ماما مش بتسمعلي

انا بجد بعاني من ماما بسبب المشكله دي ، انا بحسها دايما مش بتسمعلي و بترد دايما ب اقصر رد واكتر رد ملوش رد ويقفل النقاش ، وبجد انا لما بكلمها مش بتبص ليا ولا بتلتفت بحتاج دايما اعيد كلامي كذا مره واقولها يا ماما سامعاني ماما سامعاني ، والفكره اني بقيت بتعصب من دا جدا و بقيت بزعق واتخانق لما بتتجاهلني كدا ، بس بعد ما بزعق وبتخانق بتكلمني وبتهتم ( او اصح بتدعي الاهتمام في لحظتها ) وتسمعني ، فا اروح انا حاس بالذنب واحس اني انسان سيء عشان زعقت و اتخانقت ، بس يا جماعه بجد انا ببقى ممكن هموت نفسي من كتر الخنقه ، نبضات قلبي بتزيد من الغضب انا لو مزعقتش ، ساعات بتصول بيا اني اقطع شعري و اعور نفسي سواء خبط حاجه او خربشت نفسي ، وانا بجد اصلا بحس انها مش هاممها امري ابدا ، ودايما بتنتقدني نادرا ما اسمع منها كلمه حلوه عني ، لدرجه بجد انا مبقتش بحب نفسي اوي ، و دايما بشوف نفسي الصفات اللي هي بتنعتني بيها حتى لو مش فيا ، انا عارفه انه مش اازم اصدقها بس دا بيحصل بجد غصب عني ، نظرتي مشوهه لمفسي جدا جدا بسبب كلامها ، انا لما حد بيقولي على صفه فيا عكس اللي هي قالتلي عليه مش بصدقه خالص ، ودايما كلام ماما اللي بياخد الحيز الاكبر من تفكيري ، بحاول اتجنبها ، بس بجد صعب تجنب االام وانت عايش معاها في نفس البيت