الصلاة بالجامعة

اليوم قررت اصلي بالجامعة اول ماخلص امتحان علمود من ارجع للبيت گبل انام خفت اتعاجز وتصير علية قضاء بعدين فـ رحت لبناية بيها مصلى مصغر مال بنات طبعاً انصدمت من كمية البنات (المتربعات) وهنة جنطهن وغراضهن و ماكو مجال والي يصلون بس ٣ (المكان يستوعب تقريباً ٧-٨) وبقيت واكفة منتظرة ووحدة من خلصت كالت لصديقتها تعاي وراحت ركض واني بقيت اباوع ههههههههه

وطبعاً سالفة التسبيحات كارثة يعني كعدت احسب وراهن كل وحدة تسبح ٩٠ مرة بين كل صلاة يعني حبيباتي بنات التسبيح لو متمددة ع الفراش مقبول تشوفون اكو ناس منتظرة تريد تصلي شنو هالتصرفات؟ شنو هالتدين المؤذي هذا ؟ ترا اقصاه مصلى جامعة مو حسينية علمود تكولون من بيوت الله اخر شي وحدة يا الله من خلصت وانطتني مكانها فـ بنية رادت تجي وتراجعت بسببي كلتلها ليش تراجعتي كالت خلصي كتلها اخلص شنو! هسة اسويلچ مكان ودفرت جنط البقية وضليت احجي عليهن علمود يستحن ويسون مكان للعالم دتصلي وترجع لبيوتها صايمين وصايرين بتيتة ناشفة واخر شي واني واكفة اصلي والمكان ضيك اجت وحدة وكفت يمي بوكفة كلش تعبانه يعني لا هي الموخرة ولا هي الباقية حرفياً واكفة بصفي ع السجادة وتسولف وية الوراي وماكدر اسوي شي حرمة للصلاة يعني بالقرآن أذية شنو ازمة قلة الاحترام والذوق بهالبلد