كيف ألتزم بالصلاة

أنا عندي مشكلة مضايقتني من سنوات، وهي إني ما ألتزم بالصلاة.

خصوصًا الآن في رمضان… ما أقدر أكمل يوم كامل بدون ما أترك فرض. أصلي بعض الصلوات وأترك بعض. أحيانًا أتحمس وأروح أصلي التراويح، لكن أكتشف إني أصلًا ما صليت الفريضة.

الموضوع مؤلم لي جدًا.

أحاول ألتزم، أحاول أتحسن، لكن فجأة ألقى نفسي مفرطة أو تاركة للصلاة مرة ثانية.

الشيء اللي يخوفني أكثر إني قبل كنت إذا تركت صلاة أحس بذنب قوي وأتحسف…

أما الآن صرت أحس بنوع من التبلّد. كأن الموضوع ما عاد يأثر فيني زي قبل، وهذا الشيء مرعبني أكثر من التقصير نفسه.

أحسد أي شخص محافظ على صلاته ويحبها ويبادر فيها. أتساءل: كيف يسوون كذا؟ كيف صارت الصلاة شيء ثابت عندهم وأنا مو قادرة أثبت عليها؟

قريب بزواج، وهذا الشيء يزيد خوفي. كيف بيكون شكلي قدامه وأنا مو حريصة على أهم عبادة في حياتي؟

أنا فعلًا أبغى ألتزم. مو مجرد كلام.

لكن لي سنوات أحاول وأرجع لنفس الدائرة.

أبغى نصايح عملية من ناس كانوا في نفس وضعي وتغيّروا.

كيف أبدأ؟ كيف أستمر؟ وكيف أرجع أحس بقيمة الصلاة فعلًا؟