تتصرف ازاي لو أعجبت بزميله دراسه ٢
الحقيقه من الساعه ٦ وانا صاحي شويه لسه بفكر ف الموضوع.
للكونتكست أنا اتعرفت ع بنت عاوزه تتعلم انجلش هي عايشه ف دبي و كنت بساعدها بس بدأت اعجب بيها.
احنا بنتكلم بقالنا ممكن ١٠ ايام ولا حاجه.
آخر مره نشرت فيها اغلب الناس قالولي اطلبها للجواز و الموضوع ده مش ريلستك لسبب انها مش عربيه فطريقه أنا عاوز اتجوزك دي مش هتنفع أكيد لأننا حتي متقابلناش.
المهم امبارح اتكلمنا و ضحكتها شويه و لقيتها بتقلي ف الاخر هات الانستا بتاعك. المهم ضفتها.
الحجات اللاحظتها انها عايشه حياه لأجيري حبتين. صور ف أماكن فخمه سفريات و البنت زي ما توقعت جميله.
بس فيه حجات كتيره هتخليني هتخلي الموضوع مش هينفع هي اكبر ب ٥ سنين مع ان دي مش الحاجه الاساسيه لأنها مهتمه بنفسها اوي. أنا معنديش مشكله ف ان الست تتصور او تنزل صورها بس الفكره انها اوبنمايندد لدرجه ان فيه صور ع البلاج بالميوه دي حريه شخصيه طبعا. بس أنا كراجل شرقي صعب أتقبل كده لاني بغير بصراحه.
الحاجه التانيه فرق المعيشه البنت مهما عملت وانا ف مصر مستحيل أعيشها ف المستوي الهي عايشه في مع انها شغاله حاجه عاديه كوافير ف صالون بس ف مكان فخم. وده بصراحه مزعلني أننا مصر بنعيش بجد كوالتيوحشه جدا للحياه.
Posted Feb 23, 2026, 5:56 AM UTC