نصيحه للرجاله الصغيره Don't skip this

بصو يا رجاله ، دي يمكن تبقي اخر خبطه علي دماغكو قبل ما تندم علي كل حاجه.

قبل ما تقري الكلام دا الكلام دا مبني علي تدوير سنين و ريسيرش بالعبيط و تجارب حقيقيه حياتيه انا مريت بيها

انا راجل مصري لسه تامم ال 20 سنه امبارح ، انا كنت انسان علق مهمش طول حياتي تقريبا لحد ما تميت ال 18 سنه و صحيت في يوم حسيت ان كل حاجه لازم تتغير. انا اتحولت من واحد مبيعرفش يتكلم كلمتين علي بعض وشكله وحش و جسمه وحش واللي يشوفه يقرف منه، لنفسي دلوقتي .

انا دلوقتي الحمدلله تشوفني من بعيد تحس بهيبتي من شكل جسمي و البروفايل اللي انا عامله (شكلي كراجل) ، تخاف تغلط معايا لاكسرلك وشك ، ولو بنت شافتني تآمن علي نفسها معايا لانها شايفاني كراجل هقوم بدور الحمايه والproviding ليها. (فلسفه عن الطبيعه البشريه ملناش دعوه بيها) ، غير كدا انا في كليه انا بحبها ، وفنفس الوقت شغال شغلانه و اترقيت فيها و بقبض اكتر من مهندسين و دكاتره اعرفهم شخصيا وانا لسه متخرجتش ، عايش اوحدي وبعمل اللي انا نفسي فيه و فنفس الوقت شايل مسؤوليتي و بذاكر و بشتغل ، من الاخر كدا عايش حياتي الصغيره زي منا كان نفسي زمان. وهقولك السر دلوقتي

مبدايا فيه حاجه لازم تفهمها ان مفيش حاجه اسمها حب ، محدش هيتشد ليك من غير ما تبقي بتقدم حاجه هو محتاجها

انت عندك هرمون اسمه التوستستيرون ، الهرمون دا مسؤول عن تكوين عضلاتك مسؤول عن مزاجك مسؤول انت بتصحي النهارده مبسوط وعايز تحتل العالم ولا بتصحي حاسس انك عرص و جاضض و في اكنئاب طول اليوم و مش عارف ترفع عينك ف عيون الناس ولا تتكلم بطريقه طبيعيه، و اقسم بالله بيخليك مش عارف تركز في مذاكرتك ولا اي حاجه بتعملها ، دا سبب انك بتقعد تذاكر حاجه و تزهق منها بعد اسبوع كحد اقصي او انك متعرفش تقعد تذاكرلها ساعتين علي بعض

الهرمون دا ، عشان يبقي ليفله عالي عندك ويخليك كويس لازم تعمل الحاجات الصح ، تنام كويس تاكل كويس حاجات فيها بروتينات و تبعد عن الحاجات المصنعه و السكر ، و لازم تبطل ضرب عشره ، هو دا سبب ان بعد ما تضرب عشره بتحس بشعور وحش او تاني يوم مثلا لما تصحي بتحس انك مش احسن حاجه عشان انت يا حبيبي بتضيع Nutrients و حاجات مهمه ف جسمك باللي انت بتعملو دا + ان وقتها عقلك بيفتكر ان انت نمت مع واحده ف حرفيا بيقول " خلاص كدا احنا تمام ، طالما شغالين طالما (بنبيع)" ف بيقوم جاي مقلل التيستسترون ، و بيخلي جسمك ف مود العرصنه تاني ، عشان خلاص انت كدا كويس هيتعب نفسه و يحاول يحسن ف شكلك و عضلاتك و صوتك ليه ؟

لما بتمتنع بقي عن الحاجات دي ، عقلك بيقول لا كدا احنا في حاجه غلط ، هو احنا مش كويسين كفايه ولا ايه ؟ (لان البشر بطبيعتهم هدفهم يتكاثرو) ، ف يقوم عقلك يزود ليفل التستوستيرون شويه ، عضلاتك تكبر (اكيد لازم تتمرن متبقاش مدهنن) ، صوتك بيبقي أحلي ، ملامح وشك حتي بتتغير ، شعرك ، بيبقي عندك ثقه ف نفسك و ماشي حاطط عينك ف عيون الناس صدقني والله.

لما تعمل الحاجات دي و تحس انك دكر كدا و هرمون التست بيطوف حواليك ، متروحش بقي تعط مع بنت ، هتضيع كل اللي انت عملته علي الفاضي، خليك كدا زي ما انت ، والله العظيم لو ركزت مع نفسك بس و عملت اللي بقولك عليه دا ل تتعاكس من البنات في الشارع ، بجد ركز مع حالك وابعد عن كل حاجه بتقلل التيست و قرب من كل حاجه بتحسن شكلك و شكل جسمك و بتجيبلك فلوس و اقعد يسطا لوحدك كدا و فكر و خطط و ابعد عن موبايلك شويه ، صدقني انت عقلك مشوش فشخ عقلك فيه حوالينه كدا زي شبوره ، انت مش مديله الفرصه يفكر ولا يخططلك ولا يديلك حلول ، جربت يسطا تقعد لوحدك من غير اي حاجه و تقعد انت و دماغك و تفكر ؟ متهربش من دماغك و من أفكارها متهربش من ان انت شخص علق ومش بتعمل اللي انت عارف انك المفروض تعمله دلوقتي واجه المشكله عشان تنهيها

نام 7 - 8 ساعات و اصحي اقفل موبايلك و فكر ازاي تخرج نفسك من اللي انت حطيتها فيه ، هو انت مش بتحب نفسك ؟ اقعد يسطا اتعلم حاجه صعبه ، اقعد اتعلم الماني و انزل بليل الجيم و اطلع ولا حاسس انك انجزت حاجه في الالماني ولا حاسس ان شكل جسمك اتغير ولا طلعلك عضلات ، واعمل كدا كل يوم صدقني بعد سنه هتلاقي نفسك بتتكلم الماني و شكل جسمك حلو. (دا مجرد مثال) انت لازم تعرف و تفهم ان اقسم بالله العظيم انت كل ثانيه بتضيعها وانت بتسكرول علي تيكتوك ولا انستا ولا بتلعب اي جيم مثلا ، انت اه مبسوط دلوقتي (ومش علي طول علي فكره فاكر كام مره لعبت جيم مثلا و طلع دمك محروق منه عشان خسرت ؟) بس والله العظيم انت ممكن تستغل الوقت دا و هتتبسط وهتتكيف اوي اوي اوي بعدين و انت فارق عن اللي شبهك اللي كانو بيقعدو يسكرولو بس. واوعي تكون فاكر انك لما تكون نايم علي ضهرك ولا قاعد و ماسك موبايلك قاعد تقلب فيه انك كدا بترتاح شويه ولا بتفصل ، روح اعمل آشعه علي خلايا مخك و انت قاعد بتسكرول كدا و شوفها مرتاحه ولا قاعده شغاله وبتستقبل كميه دوبامين زائفه غير طبيعيه ، متبقاش مغفل.

خلي بالك كويس اوي ان فيه موقف لازم هييجي و ابوك و امك او اخواتك او اي حد منك هيحتاجك فيه ، لازم وقتها تبقي دكر ساند طولك و معاك فلوس و قادر تساعد، تخيل كدا اختك ولا امك تجيلك مكسوره حد عاكسها ف الشارع مثلا ولما تيجي تحكيلك وانت تنزل تشوف مين اللي عمل كدا يطلع راجل اعرض و اكبر منك ، وهي تشوف ف عينك انك خايف ومش عارف تجيبلها حقها ، ولا امك لما تتعب و انت مش عارف توفرلها حق العلاج. حط ف دماغك انك لازم تتغير دلوقتي حالا. ياريت متاخدش الدوبامين اللي ف كلامي و تكمل سكورلينج

وانا اسف ليكو علي اللي العالم دا بيحاول يعملو فيكو ، الدنيا الحديثه مبرمجه انها تخليك ضعيف و مدمن لحاجات ملهاش لازمه و غبي ، بس انت لازم تبقي قوي وتواجه وصدقني مش هتبقي سهله بس انت لازم تبقي بتحب الصعب.