فوفو مات. والسبب انتم

اقسم بالله هالناس غريبة وفوق هذا تدعي المظلومية لما ترد عليهم رد قوي

احس قلبي انكسر، ما ادري اجيبها من وين من كلامهم ولا من قطتي الي ممكن تموت

واحد يقول لي بيع جوالك الساعة ١١ ونص بالليل كأن في محل مفتوح في هذا الوقت، وكأن القطوة بتنجو عبال ما الحق ابيعه واخذ الفلوس

والثاني يقول لي ما عندك فلوس ليش تربين قطوة

طيب فكري شوي ليه يمكن ظروفي كانت ممتازة وفجأة ربي ابتلاني بنقص في المال وزيادة مصاريف؟ وهذا الي صار معي فعلا هذا الأسبوع

والثالثة تقول اعرضيه للتبني، وكأن في شخص رح ياخذه وهو على شفة حفرة من الموت

والرابع يقول تخلينه للشوارع ليه طيب هو ما يقعد بالبيت كبف احبسه

والخامس يا الله يا معين، كيف بتوكلين عيالك اذا هذا ما تقدرين عليه، أسألك بالله هذا كلام؟

والي بعده يقول عطيه ابرة، والي بعده يقول لي ببلغ عليك تجارة بالقطط ويهدد

طعنوا فيني وقالولي اقتليه احسن وغيره من كلام ضيق صدري، وخلاني ابكي وبسببهم قطتي قعدت ٤ ساعات داخل العيادة تتلوى من الالم كله لأنهم طعنوا بالمصداقية رغم الدلائل وخلوا ناس كثيرة كانت على أبواب المساعدة تتراجع عن المساعدة

فوفو مات، وروحه في رقبتكم، واسأل الله كل شخص طعن فيني وتسبب في اني ما اقدر اكمل المبلغ، وضيع الوقت انكم تموتون نفس موتته بل اسوأ ويصعب عليكم سكرات الموت