آني وجماعتي مسوين گروب بيه كل أصدقائي المقربين عددنا تقريبًا عشرة

 و آني فد مرة سألت واحد منهم على المستقبل وشنو طموحاته وهاي جان يجاوبني جواب بارد وحقير وآني جانت السالفة كلش جدية بالنسبة إلي فرزلته وغلطت عليه وكتله بالنص (آني أعتبرك مثل أخويه الصغير بس اسمح لي أكلك گوم بيه) وكال شنو اخوك الصغير كلوله دفاعًا عني هو فعلًا انت أصغر واحد عقلًا وعمرًا وكلت صحيح هو مو ناضج بكد البقية 

 المهم السالفة انسدت والأمور صارت هادئة والثاني مرة حششت عليه وظل شايل المهم أكبر واحد بينا ملحد يحب الفلسفة ونقاشاتي وياه سببت لي مشاكل ويا أهلي بس اكول يلا خطية هو ما عنده اب ولا اصدقاء لتجرح بخاطره

 ما شوف إلا صاحبي الملحد نفسه ظل تشاقة بعدين هو أسس أساس العركة بحجة "كلي سر وافشيته" وآني أصلًا ماجيب طاريه لأحد من ورى ظروفه المهم بنص العركة الولد الأولاني راح يراسلني خاص ويكلي ليش ذيج المرة ورزلتني وليش تكول عليا مو ناضج ومن هالحجي وآني داكله هذا مو غلط هاي حقيقة
 والثالث هم زعل آني م انقهرت لأن زاعلتهم لأن صغروا بعيني من شخصنوها على أسباب بسيطة (حرفيًا واحدهم يحشش عليا دائمًا واضحك له والأمور طبيعية) بس آني ال ضوجني طلعت من الكروب حتى لتصير فتنة وكلت لباقي الشباب شكالوا عليا حرفيًا كاموا يكصون بيا ويطلعوني آني الغلطان لأن ضارب وياهم

الخلاصة : صارت عركة لأن انطيتهم أكبر من حجمهم ولأن ومخليت حدود لأن همه أصدقائي
 شنو رإيكم بالصار وهل يستحقون ارجع اصالحهم علمًا كلش صغروا بعيني 

سالفة غريبة