آخر رسالة مني الى بنات الصب

رسالتي الى كل فتاة تقرأ هذا المنشور ،

حياتُكِ أنتِ تختارينها ، تختارين كل شيء فيها ، وجميع هذي الخيارات أنتِ مسؤولة عنها ، سواء أختيار تخصص الجامعي ، أختيار شريك الحياة ، أختيار الأكل ، اختيار تنظيم جدول لليوم او أختيار تضييع الوقت وما الى آخره من أختيارات لا نهائية

حاولي أن تستخدمي العقل وأن لا تدعي العاطفة هي التي تختار لكي ، كلام قد يبدو تافهاً لكن الكثير منا غالباً ما يتجاهل العقل ويتبع المشاعر و الإحاسيس ، وهذي أكبر غلطة قد تكلفك حتى حياتك ، و قد تكلفك ثمناً غالياً ستضلين تدفعين ثمن هذا الغلط طوال عمركِ

لا تثقي بأي أحد ، ليسِ هناك أي احد في هذا العالم يستحق أن تثقي به ثقة تامة عمياء أو أن تضحي من أجله ، ضعي نفسكِ أولاً ، سلامتكِ أولاً ، و صحتكِ أولاً ، أنتِ قبل كُل شيء

أجعلِ لك دائماً خطة بديلة ، اكملِ دراستك و أحصلي على عمل ، لا تتركي شهادتك مهما كان الحال ، ومهما كنتي محطمة أستمري و حاربي من أجل حريتك و إستقلالك ، ليس هناك اي شخص في هذي الحياة قادر على مساعدتك سوا انتي ، انتي من سوف تساعدي نفسك بنفسك

بأختصار خية محد راح يساعدج غيرج انتي لازم تتعبين على نفسج وتشتغلين و تبحثين و تقرأين و تتثقفين و تطلعين و وتصيرين معتمدة على نفسج كاملاً و من كل النواحي

الرجال والجهال ذني سوالف و شغلات ما طايرات و تلحكين عليهن بس إذا وكعتي محد راح يساعدج غير نفسج فة لازم تكونين مستعدة جيداً

أهتمي بصحتج ، طعامكِ و نومكِ ، رياضة ، و اشربي ماي بشكل مستمر و منتظم

واني أعرف انو بالعراق اغلب البنات ما مسموحلهم يطلعون من البيت بس الرياضة جدا مهمة بنات يعني حتى لو تتمشون في داخل البيت يومياً كومو أمشو و سوو تمارين على كد الي تكدرون عليها و شكد متكدرون تحسن الحالة النفسية و صحة الجسد

آني شخصياً جنت احب بعد المحاضرات أطلع برا الجامعة و أضل اتمشى وحدي و اني أسمع اغاني فد جنت كلش ارتاح نفسياً و يجيني صفاء ذهن و شعور بالسعادة و انو الدنيا بعدها بخير

حلو هسة خلصنة من المعلومات العامة نجي على الزلم ، بنات أي واحد يطلب منج صورة خلاعية فة هوة انسان يريد ينام وياج فقط لا اكثر ولا أقل ، مو بالضرورة صورة ممكن تنتبهين انه يكلمج بطريقة جنسية او كلام وصخ و يطلب طلبات وصخة و ما الى ذلك ، هذا ليسَ حُب ، الحب بعييييد كل البعد عن الشهوة و النودز و الإباحيات ، حتى لو يكولج اني احبج و اريدج مرتي و زوجتي نهائياً لا تنخدعين بهيج حجي خريط و الي يحبج من صدك مستحيل يطلب هيج طلبات بس المشتهي يطلبها ، و أصلاً لا تصدكين أي ولد يكولج احبج الى ان يجي و يخطبج ، الولد مستعدين كل شيء يسوون في سبيل يحصلون نيجة ، مستعد كل شيء يسوي و مستعد كل شيء يكول ويخرط براسج ، أبد ابد لا تصدكيه إذا بعدة ما متقدملج على الأقل ، مجرد كاعد يكضي وكت

وهنا نكون وصلنا لنهاية الرسالة مالتي ، اتمنى كل بنية بهذا الصب تقراها و تفتح عيونها الاثنين لان احنة فعلياً كاعدين ب غابة خصوصاً العراق يعني خخخخخ حاولو تطلعون من العراق إذا صارت عدكم فرصة و أبد لا ترجعولة ولله لو بيدي هسة اطلع منه و ما ارجعلة ابد ، اتمنى لكم حياة سعيدة و الموفقية بكل شيء و النجاح والصحة 💜