احس مهضوم حقي لكن كل ماشفت سوق العمل اسكت

طول الله عمركم انا توظفت بارت تايم وانا ادرس عام ٢٠٢٤ براتب ١٥٠٠ ٤ ساعات بدون تأمينات بطلب منهم، كملت معهم الى ٢٠٢٥ برمضان عطوني زياده وصار ٢٠٠٠ ريال

تخرجت الترم الصيفي اللي فات وطلبت اصير فل تايم ماعطوني علم نافع فصبرت لين قبل فترة وحدة من اللي معي قدمت استقالة وطلبوا وحده مكانها تغطي ٩ ساعات فقلت انا بصير مكانها لكن بمسك ٨ ساعات وانا اشتغل على اكثر من شيء ( ماسكة تسويق واستقبال ) ابي راتب مايقل عن ٤ الاف، قعدوا يتفاوضون معي وبعدها اسكتوا وجابوا وحدة جديدة ( نفس عمري لكن بدون خبرة ) اسكتت عن الموضوع قلت لعلها قبلت ٩ ساعات براتب اقل لكن تجيكم الصدمة

طلعت ٨ ساعات وعندها سجل تجاري ( نفسي يعني ماراح يستفيدون من دعم او اي حاجة ) وعارضين عليها تمسك تسويق بعمولة بس رفضت مع اني ماسكة التسويق كله وعروضي تجيب زباين من كل مكان

المهم احس بالاهانة الصدق. يعني عارفينني وعارفين شغلي وقلت لكم بمسك واخرتها تجيبون وحدة مكاني وانا لسى بارت تايم بدون اي خطط مستقبلية؟

لو مكاني وش بتسوون؟ انا عارفه اني اغلطت بسالفة انه مافيه تأمينات بس خوفوني هم من سالفة السجل التجاري وكنت مره محتاجه الفلوس ( لا زلت لان ودي اكمل دراستي )

انا استقبال وانسق العروض واصممها وماسكة حسابات السوشال ميديا كلها