مبقتش عارفه انا مين ولا عارفه ايه الحل

انا اتربيت علي الخوف يعني دايما خايفه ان حد من عيلتي يعرف اي حاجه انا بعملها فبالتالي مش بعمل اي حاجه بس مؤخرا اتخنقت بقيت حاسه اني مش عايشه زي اي حد ف سني ولا عايشه عموما بقي عندي ٢٤ سنه و عمري بيضيع ومش بغلط ومش بتعلم من غلطاتي ومش عايشه الحياه دي ف انا عايزه اعيش مؤخرا اتعرفت علي شله ف هما بيعملوا حاجات كتير انا مكنتش متخيله انها بتحصل اصلا والبنات بيشربوا سجاير وحاجات تانيه وانا فالاول كنت مبسوطه مع الوقت لقيت نفسي ببقي زيهم اكتر واكتر وكل حاجه قولت قبل كده اني مش هعملها بعملها. بس فنفس الوقت انا مبسوطه عاجبني الوضع وحذره جدا ان حد من عيلتي يعرف يعني النزول مع الشله دي فحد ذاته مشكله بنسبالهم فانا حاليا عايشه فخوف دايما هل هيعرفوا والمشكله اني مقتنعه ان كل حاجه لازم تتعرف فالاخر رغم انه مش لازم ولو عرفوا انا هخسر كل حاجه كل حاجه حرفيا وبرضو مبقتش عارفه انا مين يعني من واحده مش بتكدب ابدا لواحده بتكدب الف كدبه فالساعه وبقيت بشرب سجاير وحاجات تانيه قولت عمري ما هعملها وعملتها بس انا مبسوطه كده انا كل مشكلتي الخوف اللي انا عايشه بيه دايما مش عارفه ايه الحل