...ليه بنمثل دائما

واحدة من اكتر المشاعر السيئة الي ممكن الإنسان يحس بيها انك تكون في مجتمع مضطر تكدب فيه بشكل متكرر تكدب علي اهلك تكدب علي اصحابك تكدب علي نفسك الكدب بيتحول من طريقة للتملص من مشكلة لي نمط حياة متكرر تبص علي وشك في المراية تحس انك شايف شخصان وشك الي طالع للناس و وشك الحقيقي الي في قلبك الحاجة دي بتخليك تنعزل عشان متمثلش و تخليك عايش في خوف دائم من أن الي حولك يكتشفوا حقيقتك و ردة فعلهم وقتها هل عيتبروا منك؟ هل عيأذوك؟ هل عيستحلوا دمك؟، اسئلة مرعبة علي الرغم انك هوا هوا نفس الشخص الي عايش معاهم اخر 10 سنين بس ازاي؟ ازاي ممكن تخرج عن الدين؟ ازاي ممكن تخرج عن الطبيعة؟ علي الرغم أن كلنا نتاج الطبيعة اصلا و انك مبتضرش اي حد و أن وجود الصفات دي من عدمها لا يفرق في شئ بالنسبة لهم بدليل انك عايش حياتك معاهم طبيعي من غير متقول و مفيش حاجة بتحصل الفكرة مثلا في شهر زي رمضان تضطر انك تصوم مجبر و انت مش عايز، تضطر انك تلبس هدوم رجالية و انت مش عايز، تضطر انك تسيب شعر وشك و جسمك أو تخلي شعر راسك قصير او تعمل قصة ذكورية و انت مش عايز، تضطر تصلي و انت مش عايز, تضطر انك تتفق معاهم في اراء أو افكار انت بتستحقرها أو شايفها متطرفة بس غصبا عنك، ولو حبيت تعمل اي حاجة من ما سبق لازم تعمل عذر و مبرر والله انا نفسي اطول شعري عشان بحب شاروخان انا عايز احلق شعر جسمي عشان أبرز العضلات انا صوتي ناعم عشان خجول انا بحب اللون الوردي عشان الجيرل فريند بتحبه و هما و دمغاهم تقبلوا خير و بركة متقبلوش عيضطهدوك و عيكرهوك في حياتك لحد ما تسمع كلامهم ولو اصريت علي رايك عتبدا علامات الاستفهام تطلع و تبدأ الأوامر العسكرية اسئلة زي انت منهم؟ وريني تلفونك وريني صورك انت كنت فين مع مين و امتي؟ متقفلش باب الاوضة و يبدأ كلام غريب يطلع انت اكيد في شطان لابسك تعالا ارقيك اشرب موية زمزم أو الموية المقريي عليها انت محسود تعالا اوديك للشيخ يفحصك جنان في جنان حرفيا، يمكن احسن حاجة حصلتلي اخر شهر هو الكومينتي هنا انتوا اسرتي التانية اسرتي الي تعرف عني كل حاجة إلي متقبلاني و متقبلة أفكاري و حياتي اسرتي الي مش محتاج أمثل فيها،شكرا لكل الناس الي هنا و المودز و صانع الصب مهمن ما شكرتكوا مش عكفيكوا حقكم بحبكوا اويي ❤️