سؤال جداً غبي (سامحوني)

السلام عليكم ورحمة الله

والله جد جد سامحوني على هالسؤال بس قعدت ابحث و اقرء و لسى مو مره واضح الموضوع بالنسبه لي

أنا سعوديه سنيه و عشت جزء كبير من طفولتي برا

ما عندي اهتمام بالسياسة بس احس في أشياء لازم الشخص يكون ملم فيها خصوصا إذا تمس وطنه

فاسؤالي هو: ليش احنا (كسعوديين سنه) ما نحب الخميني؟ ولمن احد يقول الخميني هل يقصدون علي الخامنئي ولا روح الله الخميني و هل كلهم ما نطيقهم؟

دايم اسمع امي تتكلم عنه بالسوء و تتحسب عليه و لمن حاولت اسالها بدت تتكلم كثير و ما فهمت كلامها بس انه شخص سىء و كل شىء شرير بالدنيا

أنا اسفه جد، حاولت اقرء بس كل المقالات الي لقيتها من اجانب و يتكلمون بشكل حيادي

والحين صحباتي الاجانب (جديدين على الإسلام) استغربت انهم قاعدين يذكرونه بالخير و يترحمون عليه (لان طلع خبر ان علي الخامنئي مات؟) و أنا حسيت وش أقول أنا الحين؟؟؟ هل أترحم عليه ولا شقول؟؟؟ ولو سألوني عن موقفي شلون اشرح وانا ما اعرف شىء أصلاً!!!

تكفون افيدوني و شكرا