ساعدو الناس اللي بالشارع

اليوم وانا بالطريق كان في مراة قاعدة ع الرصيف ما كانت بتشحد او اشي كان شكلها عادي بس مبينة قاعدة ومعصبة وبتحكي "حسبي الله فيكم كلكم" وبتعيط بس العياط مع غضب مو عياط انهيار

ف فكرت صاير معها اشي او حدا مدايقها، سألتها مالك خالتو في اشي؟ حكتلي "خلص قرفنا النا أسبوع مش ماكلين اشي وما حدا بده يشغلني عشان ايدي" (طلعت ايدها وكان فيها اعاقة ما بعرف بالزبط شو هي بس في اشي غلط) وفعليا المراة كانت قاعدة جنب مجمعات كلها محلات ومكاتب وكافيهات واماكن وشكلها جد كانت رايحة تدور ع شغل من هيئتها

ما بعرف انا كتير حزنت عليها، انا نفسي موظفة ما بقدر اساعدها في وظيفة بس زعلت ع قديه كانت مقهورة، ف حاولوا راعوا الناس وساعدوهم الناس بطلت تعبانة الناس وصلت مرحلة القرف