ممكن اضطر انزل مصر
اللي يرد بعد اذنكوا ميردش بسلبية او بايجابية يرد بحيادية و خلاص . انا لسة عندي 21 سنة مستقر برا مصر من و انا 14 سنة ، حاصلي مشاكل كتير فالاوراق و بفكر ارجع لمصر لان انا شاب متفوق جدا دراسيا الاول على كليتي ف كلية علوم تخصص رياضة . و حرام اعيش طول عمري ف بلد اجنبي من غير اوراق و معرفش اعمل اكمل دراسات عليا ولا اشتغل شغل عدل ف جامعة او حاجة اكاديمية او اي حاجة . لو نزلت مصر الموضوع صعب عشان معنديش اهل اوي ف مصر ابويا و امي متوفين و لكن عيلتي ممكن تساعد . عندي جيش طبعا الاول لازم اعملو . انا ممكن اعمل ايه ف مصر من غير ايجابية او سلبية لو نزلت و بدأت من الزيرو خلصت جيش و كدة و عادلت شهادتي هل اقدر اشتغل معيد مثلا مع اني مدرستش ف مصر و فنفس الوقت اكمل دراسات عليا و ممكن بعدها اسافر تاني ، و هو لو نزلت مثلا ف الصيف و روحت قدمت اوراق الجيش و الحاجات دي ببدأ الجيش امتا بعدها على طول ولا ايه . و كواحد عندو بكالوريوس رياضة بحتة عايز يكمل دراسات عليا و يشتغل فالتعليم العالي و يشوف حياتو هل عندي فرصة برغم كل الصعوبات دي ولا افضل عايش ف بلد برا من غبر اوراق و اعيش حياة بنت كلب اشتغل ف اي قهوة ولا حاجة احسنلي من ممكن كارير اكاديمي ف مصر و ادمر كل احلامي ؟ انا لسة صغير 21 سنة مش عارف لو مقدرتش الاقي حل لموضوع اوراقي دة هعمل ايه ولا هعيش ازاي هفضل طول عمري ف مكاني مش همشي لقدام . نصيحة و اراء حيادية واقعية منكو لو ينفع و شكرا مسبقا
Posted Mar 2, 2026, 4:13 PM UTC