TW CA/N

هل طبيعي اني صرت اتذكر احداث (إساءة) من طفولتي فجأة لما وصلت لبداية العشرين؟

البعض منها ماكنت أتذكرها أصلًا وبعضها أتذكرها بس ماكنت أعيرها اهتمام او أشوفها شيء كبير يعني

مثل ان امي كانت تضربني على وجهي مرات بسلك ومرات باشياء ثانية، وفيه مره رحت المدرسة (كنت بالابتدائي/المتوسط) وكانوا الأطفال يسألوني عن الآثار وماكنت اعرف ارد، الكبار ماكانوا حتى يعبرون الموضوع بس يكتفون بالنظرات والاستغراب حتى الإرشاد ولا مره حاولوا يتأكدون

ومرات كانت إذا تبي شيء او حتى إذا بس كانت معصبة ما تتكلم عادي معي، كانت تقرب مني مره لدرجة ترعبني وانا بذاك العمر وتصارخ بوجهي، الحين صرت اعصب او أتوتر إذا احد كلمني بصوت عالي او أصير بوضع دفاعي مره

كانت دايمًا تفسر تصرفات اللي حولي بنية سيئة مره وتجلس تقنعني انهم يسوون تصرفاتهم هذي لانهم يكرهوني و "هي تعرف هالشيء لانها امي ولأنها كبيرة فمستحيل تكون غلط ولازم اصدقها"، ماتقول هالشيء وهي تخاصمني لا كانت ترد كذا علي لما اسولف عن يومي بالمدرسة وتكون السالفة مره بعيدة عن تفسيرها يعني عادية مره ومرات تكون عن شيء كويس صار لي حتى، (التصرفات اللي اقصدها تكون عشوائية مره وتصدر من أطفال صغار يعني مو منطقي كلامها ابدًا) وتقول هالكلام وكأنها تنصحني

وعلى طاري النصح، تنصح الناس و "تتعاطف" معهم وهي تسوي أشياء لي اسوأ من اللي مسوينه هم، معرف لو جملتي واضحة

وغيرها كثير بس ماودي اذكر كل شيء ويطول كلامي او توضح هويتي مره

‏BTW هي شخص متعلم، كانت بمنصب عالي وقتها وشغلها أصلًا يتعلق بالتربية والأطفال، ماكانت كبيرة سن او شخص جاهل

not that older or less educated people are always like that

بس للتوضيح وبمعنى انها كانت تعرف وش تسوي، وبرضو مو تبرير لأي احد يسوي كذا وهو بعكس الصفات اللي ذكرتها