بستكشف نفسي

انا يعتبر كنت طول اليوم قاعد على السرير مش بعمل اى حاجة غير اني بقلب في الريلز في كل آب شوية لحد ييجى من نص ساعة كدا كنت شايف أخويا قاعد مع صحبه على ديسكورد و بيعملوا تراك لمسرحية تقريبا او حاجة و انا سمعت شوية معاهم و لقيتني فجاة روح التجلى طلعت و بعدل عليهم كإن أنا المايسترو

ولا كإني ضيعت اليوم كله بالتسويف و الريلز و الادرينالين علي اوي و انا بسمع و اقول لا الة تانية ارفع التون هنا اعمل هنا لحد ما خلصوا بس هيكملوا تانى ..

بس هو انا ليه كدا عامتا؟ ليه مببدأش الحاجة انا بنفسي طالما عندي الشغف دا انى اعمل حاجة ايا كانت بس هو انا مش بعملها انا بس قاعد بقلب في الريلز .. شئ محزن سيكا رغم انى اتبسطت لكن دلوقتي حاسس انى غبي جدا انى بضيع اليوم كدا في انى بقلب ريلز او انى مستنى حد يكلمني و مش ببدأ حاجة فعلية