Ang lakas din ng loob nitong si Sandro. Akala nya yata sobrang powerful ng pangalan nila at kayang kaya nyang labanan yung mga seasoned congressman. 



“ANO ’YON? INAATAKE MO ANG AKING AMA!” — ERICE INILAHAD ANG DI UMANO’Y PANINITA NI SANDRO MARCOS

Nagbahagi ng isang kontrobersyal na insidente si Caloocan 2nd District Rep. Edgar “Egay” Erice matapos ang isang talumpati niya sa plenaryo ng House of Representatives kung saan binanggit niya ang kanyang matagal nang paninindigan laban sa political dynasties.

Ayon kay Erice, hindi pa umano siya tapos magsalita nang siya ay sunduin ni Minority Leader Marcelino Libanan at dalhin sa opisina ni Ilocos Norte Rep. Sandro Marcos, anak ni Pangulong Ferdinand Marcos Jr.

Sa kanyang salaysay, sinabi ni Erice na agad siyang kinompronta ng kongresista.

“Sinita ako ni Congressman Marcos at tinanong— ‘Ano ’yon?!”

Dagdag pa ni Erice, ipinaliwanag niyang matagal na niyang adbokasiya ang pagsusulong laban sa political dynasties sa bansa.

“I replied that the anti-political dynasty advocacy has long been one of my advocacies.”

Ayon pa kay Erice, dito umano naging mas mainit ang palitan matapos umanong sabihin ni Marcos:

“Hindi ’yon! Inaatake mo ang aking ama!”

Iginiit naman ni Erice na ang kanyang mga pahayag ay bahagi ng demokratikong diskurso at kritisismo sa gobyerno.

“Ang kritisismo ay nakakatulong upang maituwid ang mga pagkakamali kung bukas ang isipan ng mga nakikinig.”

Hamon ni Erice: Bakit Hindi sa Plenaryo?

Sa huli, nagtanong si Erice kung bakit kailangan pa umano siyang dalhin sa opisina para kuwestiyunin ang kanyang talumpati.

“Ngunit, Mr. Speaker, bakit kailangang kwestyunin ng isang miyembro ng kapulungang ito ang aking talumpati?”

“Kung may mali at kasinungalingan, bakit hindi ako debatehin dito mismo sa plenaryo?”

Sa ngayon, wala pang opisyal na pahayag mula sa kampo ni Rep. Sandro Marcos kaugnay sa alegasyon ni Erice tungkol sa naturang pangyayari.

  
Source: Ang Balita Ngayon FB Page (https://www.facebook.com/AngBalitaNgayonFB)

“ANO ’YON? INAATAKE MO ANG AKING AMA!” — ERICE SINITA NI SANDRO MARCOS