بعيداً عن أجواء الحروب، المنشور جدّي 100%, عم دوّر على خطّابة موجودة بدمشق او ريف دمشق تكون عن تجربة.

السلام عليكم.

أنا شب أعزب بآخر العشرينات صفيان لحالي بالشام وأهلي مغتربين وأنا بحب الشام وما بحب سافر. وقرايبيني البقيانين كمان قليلين بالشام وبشكل عام نحنا عيلتنا مالها اجتماعية كتيرة.

واللي بتلاقيهم امي ما بكونو مناسبين بالنسبة الي يعني كمان كونو انا عايش بعيد عن اهلي فأمي ما بتعرف انا شو بدي بالضبط.

وأنا ما بحب التخبيص وتضييع الوقت وما بدي اتعرّف أول عم دوّر على صبية مستورة ببداية العشرينات بس ما بدي يكون التواصل مباشر بدي اتواصل مع خطابة فهمها بالضبط شو بدي وبس تلاقي حدا بيجي من الباب عن طريق الأهل.

الوضع المادي كويّس الحمد لله وشغلي مستقر وأموري جاهزة ان شاء الله. لا بدي ضيّع وقتي ولا ضيّع وقت حدا معي.

اذا حدا بيعرف خطابة كويسة بنت حلال يا ريت يوصلني فيها.