انا الى عملت البوست بتاع الجهاد و الارهاب و دور الضحية امبارح

اول حاجة انا مانكرتش ان امريكا دولة مجرمة و انا بقولها صريحة اهو امريكا دولة ارهابية مجرمة ، ارتحتوا كدا؟

دلوثتي فى نقطة عايز اوضحها و هى الفرق بين الارهاب و النضال المسلح المنظم ،

النضال المسلح المنظم هو ان شعب يقاوم احتلال او طاغية بشكل منظم و مرتب و يكون قوة عسكرية قدام قوة عسكرية

تعريف الارهاب هو استخدام القوة المسلحة ضد المدنيين لتحقيق اهداف سياسية او أيديولوجية او دينية

فى مثالين علي الكلام ده ، فيتنام قاومت امريكا لمدة ٢٠ سنة و امريكا قتلت ملايين المواطنيين و المدنيين الفيتناميين الى ملهمش دعوة بالحرب و ده ارهاب طبعا و جرينة حرب ولكن الفيتناميين صبروا و كملوا مقاومة منظمة لانهم عارفيين انهم لو ردوا بقتل مواطنيين امريكيين ف امريكا مش هتسبيهم فى حالهم اطلاقا ، الصراع كان عبارة نضال مسلح منظم انما لو واحد فيتنامي عمل عملية ارهابية هيتحول لمحاربة ارهاب و ساعتها امريكا كان من المستحيل تنسحب من فيتنام رغم الخساير و ده الى انا قلته فى البوست بتاعي ، الدولة القوية ممكن عادي تحتل شعب تاني ١٠٠ سنة عشان تضمن سلامة مواطنيها لو الشعب ده ممكن يعمل عمليات ارهابية و يشكل خط علي مواطنيها

المثال التانى هو كوبا ، كوبا كانت دكتاتورية عسكرية مدعومة من امريكا و بيحكمها طاغية اهبل كان بيقتل الشعب الكوبي بالبطيئ ، الثورة الكوبية كانت نضال مسلح ضد الطاغية ده و نجحت فى خلال اسابيع قدرت تسقطه (بعد ما بعض قيادات الجيش انضمت للثورة و بعد ما الطاغية هرب لامريكا)

ثانيا انا مانكرتش ان امريكا عملت جرايم فى الدول المسلمة من زمان اصلا ، ولكن ردنا احنا كان اغبي حاجة، صدقني لو ردينا بنضال مسلح منظم مكنش كل ده حصل ، بس احنا قررنا نرد باسوء طريقة ممكمة و هى الارهاب ، الشعوب الى احتارت النضال المسلح المنظم عايشة حياة كويسة دلوقتى و ليها احترام و مكانة حتى فى الغرب و تقدر تشوف ده فى فيتنام و كوبا انما الشعوب الى اختارت الارهاب عايشة فى بئس و هم و نعزولة عن العالم و كلو بيحاربها و نقدر نشوف ده فى افغانستان دلوقتى و بردو العالم كله بيكرهم بسبب وصفهم ك ارهابيين و ده للشعوب المسلمة كلها بالمناسبة ، العالم كله شايفنا ك ارهابيين ،

قبل ما تقولي "دى حالات استثنائية و مش كل المسلميين كدا" منا عارف ولكن السيئة بتعم غير ان احنا ك افراد مش واخدين موقف قوي ضد الارهاب الى بيتعمل باسمنا و باسم عقيدتنا و دينا و رسولنا و ربنا ، انا عارف ان الحكومات العربية واخدة موقف قوي ضد الارهاب ولكن احنا ك افراد؟ فى الضياع حرفيا ، كل شهر سبتمبر تلاقي ميمز الطيارات الى خبطت فى البرجين مغرقة مواقع الميمز العربية، ميمز عن الخروح عن طاعة ولي الامر و ميمز عن كيفية قتل الكافر و ميمز عن تفجير الكنايس، كل ده و فى الاخر مستني العالم يحترمنا و يشوفنا ك ضحايا فى القضايا الى احنا فعلا ضحايا فيها؟ زى فلسطين و البوسنة و الايغور و المسلميين فى الهند؟