ده بوست لسه شايفه وأستفزني

\- الغاز الطبيعي بتستورده من أسرائيل تحت أتفاقية من بنودها وقف التصدير حالة الحرب والدولة فاهمه ده مش مختومة ع قفاها ووزارة الطاقة طلعت مليون بيان اليومين اللي فاتوا بتنبه مرة واتنين أن مصر عندها مصادر تانية غير اسرائيل ومش بتعتمد عليها وان كل حاجة تمام لحد الأن وبعدين هو الكهربا قطعت عند حد؟.

\- النيل مش تحت ايد اثيوبيا الكلام ده هيبقي صح لو مصر دولة معـ رصة متهالكة مش واحدة من أقوي جيوش العالم ولو فيه خطر وجودي بيهدد مصالح مصر أكيد مصر هتتحرك عسكريا.

\- المستشفيات في مصر أغلبها مصري حكومية وقطاع خاص ومعامل التحاليل أكتر من 18 ألف معمل ومعظم السوق مستحوذة عليه شركة مملوكة للخليج ولكن ده شئ مش بيضعف الدولة فحاجة.

\- ملف السلاح ده من أكتر الحاجات اللي فيها هبد مصر سلاحها متنوعة جدا امريكي وصيني وروسي والماني وبرازيلي وفرنسي وتصنيع مصري محلي تنوع رهيب جدا في البحرية والدفاع الجوي والقوات الجوية.

\- موضوع القمح برضوا عادي مصر مواردها المائية أقل من أنها تزرع كل ده وأستهلاكها أكبر أنتاجها ف بتزرع محاصيل أكتر ربحية من القمح وتبيعها وتشتري قمح وتكسب بالباقي وفيه مشروع تشكي اللي بدأ يشتغل في جنوب مصر لأستصلاح الاراضي هناك

فيه شعرة بسيطة بين معارضتك لشئ في بلدك وبين كرهك الأعمي لبلدك الشخص اللي بيكره بلده وبيحقد عليها ده شخص خطر ده شخص ممكن يمسك سلاح مع الصهـ اينة ضدك معندهوش لا أنتماء للمجتمع ولا للأرض.

المعلومات المضللة اللي بتكره المصري في بلده بشكل غير منطقي في ظل أن هو الدولة الوحيدة الأمنة في المنطقة حاليا هي شئ خطير لأنها بتضعف معنوياتك وبتحسسك بالدونية وبكرة بعدوا لو دخلت حرب حقيقية هتلاقي نفس الأوساخ دول بيكرروا نفس الكلام ع ودانك عشان كل ما تكره البلد ونفسك كل ما تضعف البلد كل ما هما كسبانين.

خد بالك دايما من المعلومات المضللة ومتساهمش في نشرها