معرفش اعمل ايه

مش عارف ابدأ كلام منين بس هل عمركو حسيتو انكو مش عايزين تعرفو حد تاني ولا تبقو صحاب معاه لمجرد احساس داخلي كدا بدون سبب مجرد Gut feeling

انا حاسس كدا تجاه صاحبي الي اعرفه بقالي كام سنة بدون سبب كدا معرفش بقا تراكم او حاجة حصلت قبل كدا مع اني مش فاكرله حاجة بس بقول لنفسي انا مش مديون بصداقة يعني هو مش بالعافية الصحوبية وخصوصاً اني ليا اسبابي يعني بجد هو بيجي عليه فترات ويبقا سلبي اوي ومش برتاح معاه في الكلام ولا القعدة ولا الخروجات فانا مبقتش ابعتله ولا ريلز ولا ابدأ كلام ولا ابادر هو برضو مش هيبادر حتي وانا عارف ظروفه ومشاغله بس المبادرة مش هي السبب في اني مش عايز اعرفه تاني وحتي بعد مبعدت لاقيته بيجي البيت يتطمن عليا هتقولولي علشان ايه علشان انا بقالي سنة تعبان واتشخصت بمرض مزمن بس معرفش بقا هل تعبي دا اثر عليا وخلاني مش طايق حد ولا هو فعلا انا مكنتش سعيد بعلاقتي معاه اصلا من زمان وكنت بفكس للأفكار ديه ومش هو وبس

مش هو وبس الي ابتديت اعمل معاهم كدا انا بعدت عن كله انا شاطر اوي في اني ابعد الناس عني او محافظش علي علاقاتي حتي من قبل تعبي ازاي بقا اقوله اني عايز ابعد انا اصلا كلمته قبل كدا قولتله نفسي ابعد عن كل الناس وحاسس اني مبقتش مرتاح في ولا علاقة بيني وبين اي حد بس هو مفهمش التلميح