حاسة اني حلوه علي الفاضي

عارفة انها حاجه غبية واحساس عبيط بس عايزه افضفض

انا الحمدلله محجبة و بالبس ساتر ومنغير مكياج+ اهلي مربيني تربية traditional جدا

فمش عارفه ليه لما اقعد في البيت بشعري وبلبس يناسب جسمي، بشوف اد ايه انا حلوه اوي ، ويجيلي شعور اللي هو طب انا استفدت ايه من كدا؟ ، بحس اني Im missing out

انا عارفه ان الحلو حلو بردو بحجاب وبستر ، بس انا الفرق عندي شاسع اوي بين شكلي وانا برا وشكلي الحقيقي العادي.

احنا عائلة صغيوره ومعارفنه قليلين فمش بيجيلنا ضيوف، بس لما بيجي ناس ويشوفوني او لما اكون في جيم دايما بينبهرو بشكلي وعينيهم مش بتطلع من عليا. ده طبعا ولا مره حصل وانا في حياتي الطبيعيه برا. انا والهواء واحد.

لما امشي في الشارع او الجامعة بحس نفسي مختفية حرفيا ،طبعا مش قصدي اتعاكس ولا الهبل ده بس حتى البنات مبيبقوش معطيني اهتمام عكس البنات اللي بيجذبو الانتباه، مش بشخصيتهم ، بشكلهم بس.

ده طبعا زائد ان نادر عرسان تتقدملي، بردو على عكس البنات اللي قادرين يبرزو جمالهم.

انا طبعا مقتنعة بلبسي وشكلي، وكله اجر وطاعة لله بس ساعات فعلا بكون نفسي افرح بشكلي واستفيد منه باي شكل، يعني شوية معاملة اكسترا حلوه كدا كانت حتبقا لطيفة.

I know i dont make sense بس عايزه اطلع اللي في قلبي شويه

: P