KP list of numbers to report traffic rule violations: https://facebook.com/watch/?v=759338078518384   

 > സംസ്ഥാനത്ത് സ്വകാര്യ ബസുകളുടെ മത്സരയോട്ടം നിയന്ത്രിക്കാൻ കർശന നടപടികളുമായി ഗതാഗത വകുപ്പ്. നിയമലംഘനങ്ങൾ ആവർത്തിക്കുന്ന ബസുകളുടെ പെർമിറ്റ് റദ്ദാക്കാൻ സർക്കാർ നിർദേശം നൽകി.   
   
>  അടുത്തിടെ സ്വകാര്യ ബസുകൾ ഉൾപ്പെട്ട അപകടങ്ങൾ വർധിച്ച സാഹചര്യത്തിലാണ് എൻഫോഴ്‌സ്‌മെന്റ് പരിശോധനകൾ ശക്തമാക്കാൻ തീരുമാനിച്ചത്. മത്സരയോട്ടം തടയുന്നതിനായി പ്രത്യേക പരിശോധനകൾ നടത്താൻ എൻഫോഴ്‌സ്‌മെന്റ് വിഭാഗത്തിന് നിർദേശം നൽകിയിട്ടുണ്ട്.   
   
>  അമിതവേഗതയും അശ്രദ്ധവുമായ ഡ്രൈവിംഗും കണ്ടെത്തിയാൽ ഡ്രൈവർമാരുടെ ലൈസൻസ് സസ്‌പെൻഡ് ചെയ്യും. കുറ്റം ആവർത്തിച്ചാൽ വാഹനത്തിന്റെ പെർമിറ്റ് തന്നെ റദ്ദാക്കുന്ന രീതിയിലുള്ള കടുത്ത നടപടികളിലേക്കാണ് സർക്കാർ കടക്കുന്നത്.   
   
>  ബസ് ജീവനക്കാർക്ക് പൊലീസ് വെരിഫിക്കേഷൻ സർട്ടിഫിക്കറ്റ് നിർബന്ധമാക്കി. പരിശോധനാ വേളയിൽ ഇത് ഹാജരാക്കണം. ബസുകളിലെ ക്യാമറ, ജിപിഎസ്, സ്പീഡ് ഗവർണർ എന്നിവ പ്രവർത്തനക്ഷമമാണെന്ന് ഉറപ്പുവരുത്തണം.   
   
>  ഇവ പ്രവർത്തിക്കുന്നില്ലെങ്കിൽ കനത്ത പിഴയും നടപടിയും ഉണ്ടാകും. എൻഫോഴ്‌സ്‌മെന്റ് ഉദ്യോഗസ്ഥരുടെ സാന്നിധ്യം റോഡുകളിൽ ഉറപ്പാക്കും. നേരത്തെ മത്സരയോട്ടം തടയാൻ ജിയോ ഫെൻസിങ് സംവിധാനം ഏർപ്പെടുത്താൻ തീരുമാനിച്ചിരുന്നെങ്കിലും അത് നടപ്പിലാക്കുന്നതിൽ കാലതാമസമുണ്ടായിരുന്നു.   
   
>  ഈ സാഹചര്യത്തിലാണ് പെർമിറ്റ് റദ്ദാക്കൽ അടക്കമുള്ള നടപടികളിലൂടെ സ്വകാര്യ ബസ് ജീവനക്കാരെയും ഉടമകളെയും നിയന്ത്രിക്കാൻ സർക്കാർ ലക്ഷ്യമിടുന്നത്. റോഡ് സുരക്ഷ ഉറപ്പാക്കുന്നതിന്റെ ഭാഗമായി വിട്ടുവീഴ്ചയില്ലാത്ത സമീപനമാകും ഇനി ഉണ്ടാകുകയെന്ന് ഗതാഗത വകുപ്പ് അറിയിച്ചു.   

Copied from the Deshabhimani [article](https://www.deshabhimani.com/News/kerala/kerala-government-private-bus-competition-permit-cancellation-88380) which licenses its text under the [CC-BY-NC-SA 4.0](https://creativecommons.org/licenses/by-nc-sa/4.0/) copyleft license.

മത്സരയോട്ടത്തിന് കടിഞ്ഞാൺ: നിയമലംഘനം ആവർത്തിക്കുന്ന സ്വകാര്യ ബസുകളുടെ പെർമിറ്റ് റദ്ദാക്കും