हिजोको निर्वाचनपछि आजको रात नेपालका सडकहरूमा केवल भीड छैन, भावना छ।
कुनै चोकमा रेडियोको सानो आवाज वरिपरि मानिसहरू जम्मा छन्, कतै मोबाइलको स्क्रिनमा स्क्रोल हुँदै मतगणना हेरिँदैछ। युवा हुटिङ गर्दैछन्, आमा–दिदीबहिनीहरू पुरानो बाजा बजाउँदै नाचिरहेका छन्, बुबा–हजुरबुबाहरू पनि उत्साहले चिच्याइरहेका छन्।

यो केवल एउटा दलको अग्रता होइन, यो धेरै वर्षको पीडा, निराशा र क्रोधले आज आशामा बदलिएको क्षण जस्तो लागिरहेको छ।
पूरै देश मानौँ एउटै धड्कनमा बाँधिएको छ रेडियो सुन्दै, टिभी हेर्दै, मोबाइलमा अपडेट पर्खँदै।

पहिलो पटक यस्तो महसुस हुँदैछ कि सायद हामी सही दिशातर्फ हिँडिरहेका छौँ।
तर यो अन्त्य होइन, सुरुवात मात्र हो।

यदि बालेन शाह प्रधानमन्त्री बन्छन् भने हाम्रो असली जिम्मेवारी त्यहीँबाट सुरु हुन्छ
उनीलाई समर्थन गर्ने मात्र होइन, आवश्यक पर्दा प्रश्न गर्ने, जवाफदेही बनाउने, र लोकतन्त्रलाई जीवित राख्ने।

मतगणना अझै जारी छ।
तर आजको रातले देखाइसकेको छ
नेपाल अझै जिउँदो छ, र परिवर्तनको आशा पनि।

परिवर्तनको प्रतीक्षामा जागिरहेको नेपाल