

سەرچاوەیەک ڕایگەیاند، لە مەریوان کەسانێک بانگەوازیی چۆڵکردن ماڵەکانیان لە هەوڵاتییان دەکەن، تا دواتر وەک بارەگای سەربازیی بەکاربهێندرێن.

سەرچاوەیەک، زانیاری وردی لەسەر دۆخی مەریوان و پێشهاتە نوێکان بۆ ڕۆژنیوز ئاشکرا کرد.

بە وتەی سەرچاوەکە، لە سنووری مەریوان کەسانێک بانگوازیی لە هاوڵاتییان دەکەن کە ماڵەکانیان چۆڵ بکەن.

ئەو سەرچاوەیە وتیشی: دوای چۆڵکردنی ماڵەکان ئەوا ماڵەکان دەکرێن بە بارەگای سەربازیی، پێویستە دانیشتووانی ناوچەکە وریابن و ماڵەکانی خۆیان بە جێ نەهێڵن.

دوای بە ئامانجگرتنی یەک بە یەکی بنکە و بارەگانی هێزە بەناو ئەمنییەکانی ڕژێمی ئێران لەلایەن ئەمریکا و ئیسرائیلەوە، هێزە سەربازییەکانی ئێران بۆ پاراستنی خۆیان ڕوو لە ماڵی هاوڵاتییانی سنوورەکە دەکەن.



لە مەریوان بانگەوازیی چۆڵکردنی ماڵی هاوڵاتییان دەکرێت