اتخنقت من ال انا فيه

بضايق اوي من نفسي اني عايز اكون في علاقة عاطفية مع اني عارف انها غلط، طول الوقت بفكر في الموضوع و طول الوقت بتمنى كده، بتمنى اني اعرف حد و اديله كل الحب ال جوايا، بس عمري ما حصلي كده، بضايق لما علطول قعدة صحابي تبقا عن البنات، و انا الوحيد ال كده و عمر ما كان ليه تجارب، مع اني عارف انهم غلط و انا ال صح، بس برضو في اخر اليوم بلاقي نفسي انا ال زعلان و انا ال بعيط على نفسي، مش عشان مش لاقى حد، بس عشان انا نفسي في حاجه حرام و مش مقدر أن ربنا سبحانه و تعالى عاففني منها.

زائد كمان اني زعلان و مش عارف هعمل ايه في المستقبل، في بنت معجب بيها جدا، و نفسي اتقدملها، بس انا لسه صغير و مش هعرف اخد خطوة رسمية، و ماليش طبعا في الصحوبية و كده زي ما قولت، ف حرفيا انا كل يوم خايف انها تتخطب أو تضيع مني، و انا زي العبيط قاعد مش عارف اعمل ايه

معلش لو طولت بس كنت مخنوق فعلا و حبيت اطلع ال جوايا