محتاج نصيحة

السلام عليكم جميعاً، القصة ومابيها اني طالب انتساب إلكتروني ودخلت وزاري ضمن القرار ، مشكلتي من بداية السنة اسخت وبديت متأخر مو 6/1 وبنص السنة جنت مضبط فصلين ونص من المواد وشهر 2 كله ضاع ف بقه عندي شهر ثالث و 20 يوم من الرابع يعني 50 يوم ضبط واريد اكمل المادة بس من جمعت عدد المحاضرات لكل فصل وقسمته على الايام مستحيل الحك اكمل ، فقررت اقرا مراجعات مركزة للفصول بدال المحاضرات الأصلية وهنا سؤالي الكم للي مجرب او يكدر ينطيني جواب مفيد اكدر افتهم على المراجعات او لا؟ مثلاً الفيزياء اقرا مراجعات مركزة من الفصل الرابع لنهاية الكتاب على حسين محمد او محمد زياد وكيمياء من الفصل الرابع لنهاية الكتاب عدا عضوية على حسين الهاشمي هل راح افتهم لو احتاج اشوف المحاضرات الأصلية يلا افتهم ؟ عندي 50 يوم اكمل مواد وابدي اراجع 20-25 /4 يعني 50 يوم مراجعة هم ومقرر اقرا على مراجعات فيزياء كيمياء انكليزي واسلامية اكدر اضبطها منا للمراجعة تبقى عربي ورياضيات اشوف محاضرات أصلية وحسبتها الحك والاحياء مقرر اتركها دور ثاني لأن متأخر بيها يعني اقراها بس ما اراجعها ولا امتحن

يعني بالمختصر اذا كل فصل من فيزياء والكيمياء خليتله اسبوع - 10 ايام على فيديوهات المراجعة المركزة اكدر اضبطه او يمكن ايام اقل واسجل كلشي ورقه وقلم واحفظ كلاميات واحل مسائل يعني فيديو المراجعة لنفرض 5 ساعات اقسمه ل اسبوع اكدر او لا؟

الهدف من هذا كله اضبط الفصول من 4 لنهاية الكتاب خصوصا كيمياء وفيزياء على المراجعات المركزة بدل المحاضرات الأصلية بمدة 50 يوم هل الحك وهل راح افتهم لو احتاج شرح مفصل مال محاضرات أصلية وشكد اخذ وقت لكل فصل اسبوع ؟ 10 ايام ؟ لأن ما عندي غير حل وأيضا الإنكليزي راح اسوي هيج بس الإنكليزي سهل واكدر اضبط اموري على مراجعة اليونتات عادي وعربي ورياضيات محاضرات أصلية وأحياء مثل ما كلت مأجلها، اتمنى تفيدوني بجواب واعرف لحيت هواي وعدت كلشي أكثر من مرة بس حتى اوصللكم الصورة وتفهمون قصدي واعذروني على الاطالة.