أمي تدعي علي بإستمرار

السلام عليكم، اسفه على هالموضوع بس والله ما عندي احد ثاني اقدر اشكيله هالموضوع.

أنا بنت عمري 20 سنه، و ربي يشهد والله ثم ولله أنني اكثر وحده وقفت مع أمي من بين اهلي و اقاربنا. و هي إنسانه جداً طيبة بس فجأة تقلب و تصير انسانة ثانية. و أنا فاهمة ان هالشي كان نتيجة وايد أشياء مرت فيها و لهالسبب أتعاطف معاها.

من كنت صغيرة و هي تدعي علي و تقول "الله يرزقج بنت نجسه مثلج" أو تقول لي كلام حيل جارح.

و الفترة الأخيرة صايرة تدعي علي بنصيبي و تقول لي الله يرزقج واحد يكرهج بالحياة و الله يرزقج بواحد يتعبج مثل ما تتعبيني و ادعية اسوأ من هذي بعد.

و دايما عبالها ان أنا لما ازعل من كلامها أنني أسوي هالشي بدافع نجاسة و انني ابي اقلب الكل عليها. و عقب كل هالكلام تقول لي تعالي اعتذري مني و حبي راسي

اليوم قالت لي "قومي نظفي الخدامة بتنحاش بسببكم، ولا تبون تنحشوني انا بعد انشالله" ، أنا قلت "ان شاء الله" بمعنى ان شاء الله بقوم انظف. و تقوم تلف علي و تقول "ان شاء الله انحاش من البيت؟" و دعت علي لين قالت آمين. رغم أني حاولت اشرح لها جم مره ان قصدي ان شاء الله بنظف.

قالت لي "انتي جبانة و مو قادره تقولينها بويهي عشان جذي تقولينها لما امشي"

والله العظيم يا جماعة ان صرت أتجنب و اخاف من موضوع الزواج بسبب دعاويها المستمرة، و لأنني اخاف أنها تتحقق.

دعوة الأم مستجابة و خصوصاً أننا بشهر فضيل و صيام و مقبلين عالعشر الأواخر.

ما ادري شنو اسوي والله أنني حيل خايفة بسبب دعاويها و مادري شسوي.

شالدبرة شالحل