طردنا بنت من الميكروباص علشان حاولت تتهم راجل كبير بالتحرش بيها

ركبت جنب راجل كبير بدقن وجلابية في اخر كنبة ورا وبعدين في بنت بنضارة قصيرة جيت ركبت جنبه على اليمين لانه هو اللي في النص وبعد شوية قالتله لم رجلك يا حج مع ان حرفيا وضعية رجله ثابتة من اول ما ركبت. هو قال في سره لا حول ولا قوة الا بالله وقال لسواق الميكروباص شوف ياسطا الله يهديك خلينا ننزل

البنت بعديها سكتت شوية وكانت باصة على ايده والراجل بيسبح بيها الله اعلم هي فهمت ايه بس اعتقد انها افتكرته بيحاول يقرب ايده منها وفتحت التليفون وخلت ضهر التليفون قصاد الراجل علشان ميبقاش باين انها بتصور بس انا كنت مركز معاهم من الاول وشوفت في انعكاس الشباك اللي جنبها شاشة تليفونها فقولت للشيخ يا والدي خلي بالك من البنت دي علشان هي بتصورك

بعديها شد معاها وقالها انت بتظلميني وصوتهم علي وانا مش عارف عملوا ايه بالظبط لاني غطيت وشي علشان بحبش اتصور واطلع ترند علشان خصوصيتي بس بعدين السواق وقف واكتشفنا ان الراجل ده يعرف السواق وبيركب معاه كل يوم وهو دكتور في هندسة. الراجل نزل البنت وادالها اوجرتها وبعدين العبيطة حاولت تصور رقم الميكروباص قال يعني ترفع قضية وكدا بس كلنا ضحكنا عليها وقلنا انها عايزة تعمل تريند وخلاص. والله بحمد ربنا ان لسة في ناس بتشغل مخها ومش بتصدق البنت لمجرد انها بنت وخلاص