حلتيته

اهلاً بنات

معي وحده بالدوام بين فتره وفتره نطلع مع بعض وكنت كل مره انا ادفع حساب القهوه مع انو احياناً انا اطلب فقط قهوه وهي لاااازم قهوه وسويت. ما علينا القهوه كان مقدور عليها لكن فيه مره قررت اننا نطلع نتغداء سواء ويوم جاء الحساب خلتني ادفع لحالي بعذر انه هي سوت زين بالبرزنتيشن فا انا عازمتها المشكله كلنا كنا تونا مخلصين البرزنتيشن وكلنا مقدمين عدل🤣. ومشيتها ولا فكرت بالموضوع لان ما كان هذا المبلغ كبير وكان معي وانا اذا معي ما اقصر والله احب اقدم لناس الي احبهم، لكن طلعت معها ثاني مره وتركتني ادفع القهوه ولعل صدف ان الكلاس بداء فاضطرينا نرجع قبل نتقهوى ولان مكاني بعيد عن مكانها هي راحت واحذت معها السويت والقهوه وجلست تحلي بالكلاس وبعد ما خلصنا انصدمت انها اكلت بدوني وانحرجت وقالت يوه توقعتك ما تبين وضحكت وقلت اي مسويه دايت لان مابي اطول السالفه واحرجها قالت خلاص شرايك نعوض ونروح نتغداء برا ودي اجلس معك قلتلها تم ما وراي شي وسالتني قالت شرايك ناخذ اسيوي؟ وفعلاً رحنا وطلبت من المطعم هي بما انها سبق وجربته وما بكذب بنات بس طلبت كثير والحساب كان غالي(: يوم جينا ندفع هي قلبت الطاوله علي واحرجتني ومدري كيف انا دفعت وطلعت وانا مطفره . رجعت البيت وراجعت حساباتي معها واكتشفت انها كانت صدق تستنزفني وانها ولا مره دفعت لي وقلت من اليوم ورايح انا بشيل نفسي وهي تشيل نفسها واتفقنا نطلع منتزه وكان فيه رسوم دخول ١١ ريال تخيلوا انها ارسلت لي رابط الحجز وقالت احجزي تذاكرنا من هنا 🥲 بس هالمره كنت مقروصه قلتلها امم اما انا مارح اقدر اطلع برجع لاهلي..