حد عارف نتعامل ازاي؟

السلامة عليكم، دلوقتي أخويا بقاله سنين طويلة بيعاني من مشاكل نفسية و بيقعد لوحده فالبيت كتير و بيكلم نفسه، روحنا بيه لدكاترة كتير و اخد ادوية و كل حاجة بس اليومين دول الوضع مش طبيعي

بدأ الفترة دي عايز يكسر المرايات ولما قولتله لا بدأ يقطع صوره الشخصية كلها، دلوقتي ماشي فالبيت مقلق و يقوللي لما بينزل الشارع بيحس الناس اللي هما بالله و المتسولين فالشارع كلهم بيمشوا وراه، انهاردة عمال يكلمني عن الدجال و قصص كدا ولما حب يخش الحمام لقيته بيناديني روحتله لقيته بيشاور علي الارض فضلت ادور كتير لحد ما فهمت ان في تراب علي شكل عين فالأرض وهو خايف منها

هو انا المفروض اعمل ايه فالحوارات دي حد يساعدني و آسف لو طولت