The best feeling ever 🤍

Kal raat ek aisi baat hui jo shayad main apni life me kabhi nahi bhoolunga.

Main bahut sleepy tha aur maa mere paas hi leti hui thi. Hum normal baatein kar rahe the, lekin kyunki mujhe bahut neend aa rahi thi, pata nahi kaise dil ki baatein nikalne lagi. Achaanak maine unse kaha, Maa, you deserved a better child. Mujhe lagta hai main aapki life me bas ek waste hi raha hoon. Maine unhe bataya ki bachpan se hi main bahut zyada introvert raha hoon. Studies me kabhi bhi acha nahi tha, actually main un students me se tha jo sabse weak hote the. School life me maine kabhi activities me participate nahi kiya aur na hi meri koi proper social life thi. Mujhe lagta tha maine bas aaj tak aapke paise hi waste kiye hain. Mujhe yaad aata tha ki PTM me jab toppers ke parents aate the toh unke chehre par smile hoti thi, pride hota tha. Lekin jab aap aati thi toh teachers aksar kehte the ki “aapka beta studies me weak hai.” Mere 10th aur 12th ke results bhi ache nahi the, aur maine aapko kabhi properly proud feel karne ka mauka nahi diya. Maine unse kaha, As a single parent aapne mere liye bahut kuch kiya hai. Kabhi kabhi mujhe lagta hai mera jeene ka bhi koi matlab nahi hai. Somehow maine NEET ke liye thodi mehnat ki aur ek semi-government medical college me admission mil gaya, lekin abhi bhi aapki salary ka bada hissa meri padhai me chala jata hai. I’m sorry maa, main wo ideal beta nahi ban paya jo aap deserve karti thi.”

Yeh sab bolte bolte main half sleepy tha aur meri aankhon me aansu aa gaye.

Tab maa ne mujhe dekha aur kaha, “Beta kya ho gaya? Shayad tu academics me pehle itna strong nahi tha, lekin tune mehnat ki aur aaj MBBS kar raha hai. Ye sab negative baatein chhod de. Mujhe pata hai mera beta sabse achha insaan hai. Tera heart bahut pure hai aur tu kabhi kisi ka bura nahi sochta. Mujhe tujh par bahut proud hai. Marks itne important nahi hote. Tu ek achha insaan hai jo doosron ke baare me sochta hai, aur mujhe is baat par bahut proud feel hota hai ki main teri maa hoon. Tujhe doctor sirf paise kamane ya stable career ke liye nahi banna hai, balki isliye banna hai taaki tu society ke liye kuch achha kar sake.

After hearing all this i felt like I am alive again after an era.