تأثير الظروف على الإنسان
من كام يوم كنت راكب جنب راجل بسيط فلاح (مهنته كده عادي) وشكله بسيط وحاول يهزر معايا في نص الطريق وكان طيب وعمل معايا موقف كويس فجه في بالي سؤال مهم جدا
هل الفرق ما بيني وبين الراجل اللي جنبي ظروفي غير ظروفه ؟
اه
هل لو والدي أو جدي بقى كانوا حالهم بسيط ومتعلموش كويس واشتغلوا كنت هبقى حالي بسيط ومش مثقف عادي جدا اني هكون جاهل وتفكيري مختلف تماما ؟
اه
هل لولا فضل ربنا عليا وعلى أهلي كان ممكن يكون اللي قاعد جنبي ده والدي أو أخ كبير ليا حاله صعب والدنيا جاية عليه ؟
اه
الملخص انا مش غني ومش مقتدر حتى ولا حاجة بس حالي كويس عن ناس كتير وانا مش احسن منهم في حاجة كلنا عباد الله وخلقه وبردوا الفقر واكل جزء من حياتي برضو بس الحمدلله شغال الحال واختلافنا ده عشان نكمل ادوار معينة في حياة بعض وكلنا واحد طالما ناس محترمين وطيبين وربنا يرزق الراجل ده واي حد طيب ظروفه صعبة الدنيا أبسط من انك تتكبر على حد لمجرد إن دورك أو مسارك في الحياة كان مختلف عنه طالما الشخص اللي قدامك كويس فهو أعلى الناس ولو كان مش كويس فاللي ليك عنده الحق والعدل بس
Posted Mar 8, 2026, 5:55 PM UTC