عايز افضفض

انا في كلمتين هموت و اطلعهم و حسيت ان ده انسب مكان، انا طالب في ثانوي و داخل علي ثانوية عامة و بجد مش عارف ازاي هستحمل و اكمل كدة، انا كل يوم بسب و بلعن علي النظام التعليمي و بجد متحصر علي ال١٥ سنة اللي ضاعوا في الهواء دول علي خرا عمري ماهستفيد بيه، و متخصر ديه كلمة قليلة، انا مبكرهش في حياتي قد غباء و انانية الآخرين و النظام ده هو حرفيا تجسد الفكرة الزبالة ديه. انا لو مكنتش في النظام الموبوء ده كان زماني افضل نسخة من نفسي، كنت هبقي احسن في كل ناحية من حياتي، و لو كان معايا فلوس كفاية كنت رحت اميريكان او سافرت درست برة اصلا بس للأسف مكنش عندي غير الحل ده، و حتي لو بمعجزة ما لقيت منحة تسفرني عشان ادرس برة اهلي عايزيني اكمل في الثانوية العامة و لو هسافر هيبقي في او بعد الكلية.

انا اسف اني صدعتكم بكلام انتوا اكيد سمعتوه كتير و انا عارف ان الصعب لسة جاي و ان انا مشفتش حاجة بس انا مش قادر استحمل اكتر من كدة