استغاثة من واحد انطوائي... اتعامل مع الناس ازاي بحيث انهم مايزهقوش مني أو مابقاش تقيل عليهم

انا واحد في التعامل مع الناس مش ولا بد

وفي المواقف اللي في حياتي برضو مافيش مواقف كتير

أعمل ايه عشان يبقا في كلام أقوله مع الناس اللي انا بتكلم معاهم؟

وانا شخصيًا مابحبش أتكلم عن مشاعري كتير عشان بحس إني بنقل مشاعر سلبية

والمواضيع اللي انا بحب اتكلم فيها بتبقا مواضيع عميقة مش كل الناس تحب تتكلم فيها لا والمشكلة أن أغلب المواضيع اللي بيتكلموا فيها الشباب دلوقتي انا ماليش فيها ومابحبش أتكلم فيها زي الكورة مثلًا

فبفضل في دور المستمع المنصت واللي قدامي هو اللي بيتكلم ويادوبك برد على قد كلامه مش بضيف أي حاجة من عندي

اكيد هييجي عليه وقت هيزهق من الكلام أو هيبقا عايز يسمعني بس انا مابيبقاش عندي حاجة أقولها خالص

وبيبقا في صراع في دماغي لو هتكلم عن موضوع معين بفضل اقول لنفسي ممكن الموضوع دا ممل وهو مش عايز يسمعه، أو ممكن الموضوع دا يخليه يفكر فيك تفكير سلبي

كل الأفكار دي بتوترني وبتخليني أفضل ساكت

ايه الحل في الموضوع دا نفسي أتكلم والله وآخد وأدي مع الناس