منو هنا قرا في مجال واتبحر فيو لدرجة الكلام مع أغلبية الناس بقى ليو صعب؟

اللهم ما غرور ولا حاجة...لكن في حاجة كده في قراية الكتب بالذات (بعكس القراية الأكاديمية البحتة، في جامعة ولا غيره)، بتخلي الزول بلقى نفسه بستحضر بحوث وإحصائيات ومصطلحات، لمن الواحد بخاف يظهر متجدع ولا حاجة. لكن حرفياً (I can't help it) - وبمناسبة "آي كانت هلب ات" دي، الموضوع أخد مني زمن طويل لحد ما قدرت ما أدخل انجليزي في نص الكلام (الانتكاسة الهنا دي ما محسوبة، للعلم). ده غير انه لمن أسمع زول بدخل كلمات انجليزي ويكون ناطقها ولا مستخدمها غلط، ويظهر متجدع، بقول: أوه ماي قاد، انا بظهر كرنجي كده؟
المهم، استسلمت إني مصاب بمتلازمة النرد - (for better and for worse) اللي هي أعراضها كالآتي:

1. حفار، أي كتاب أقل من 300 صفحة ده يعتبر snack.
2. socially awkward: وهو موضوع الوجع الخلاني اكتب الكلام ده كله.
3. الناس - خصوصاً البنات - قايلني إما مهندس أو دكتور عشان لابس نضارة (أنا مبرمج، لكن المهم) ، وقايلني عندي PhD في أي مجال بتكلم فيو. وطبعا بعاينوا لي باستغراب، ومرات بقولوها لي عديل: "انت كيييييف قاعد في السودان؟ 💔. ودي بتخليني استنتج انه:
   brain drain is a self-fulfilling prophecy. يعني ما في زول فاهم في حاجة مفروض يكون قاعد في السودان...طيب حيفضل منو في الحالة دي؟ والله المستعان...
4. الناس، برضو، خصوصاً أعمامك الكبار، شايفني مؤدب ومتدين عشان ما مفلفل شعري، وما بلبس بناطلين skinny، وبصلي في الجامع عادي، والأهم انه: بمشي وانا مدنقر في الأرض.
5. صداع ...متكرر بسبب الشاشات.