انا مبحبش اللغة العربية

بصراحة عندي مشكلة حقيقية مع تدريس اللغة العربية بالشكل الحالي قضينا سنين طويلة بندرسها لكن لما تيجي للحياة العملية تلاقي أغلب المجالات شغالة بالإنجليزي الدراسة في الكليات المراجع العلمية، التكنولوجيا، والإنترنت كله تقريبًا

فالسؤال المنطقي ليه بنقضي كل السنين دي نذاكر نحو وإعراب بالتفصيل انقرض من قديم الازل بينما مهارات زي الإنجليزي أو مهارات عملية تانية تأثيرها أكبر بكتير في الشغل والحياة؟

المشكلة مش في اللغة نفسها المشكلة في طريقة تدريسها وأولويات النظام التعليمي لية مثلا المجموع في الثانوية العامة يعتمد عليها مع انها ملهاش عازه اصلا لكنها كفيلة تخلي حد يطلع برا التنسيق طب ما الانجليزي اهم ! انا بجد بقترح تتلغي من المناهج التعليمية