**السلام عليكم ورحمة الله و بركاته**

-----

عمرك سئلت نفسك ليه معظم الناس مش بتقتنع بكلامك سواء في مسئله 

- دينيه 
- تاريخيه
- او اي موضوع عموما

رغم ان الموضوع بسيط لكن بشوف ناس كثير بتتجاهله و هحاول اشرحه حسب علمي بيه

-----

```
الاحترام
```

اهم النقاط الي الناس بتتغافل عنها في اي كلام و يتحول لجدال شخصي و علي سبيل المثال

نقاش بسيط بيني و بين شخص من مده طويله لمجرد اني ذكرت كلمه

>لو تسمحلي اصححلك بس اسم الكتاب لاني بحثت عنه

الرد كان انه اتعصب بداء يسب رغم اننا كنا في نفس النقطه بنتناقش عادي فـ قفل عندي وقتها نقطه اني بتقبل منه المعلومه لانه بكل بساطه حول الموضوع

>من نقاش حضاري \ هجوم شخصي

وكانت النتيجه طبعا ان الموضوع انتهي بأسواء شكل ممكن بسبب شيئ تافه زي اسم كتاب

----

```
الجانب الديني لي كـ مسلم 
```

انا عارف و مقدر انك تسمع شخص مستخبي وراء شاشه بيسبك و بيسب عقيدتك بدون سبب او علي نقاش تافه لكن مش بفهم اطلاقا المسلم الي بيعمل كدا

مسلم يدخل يسخر من / نصراني / يهودي / ملحد

لمجرد السخريه لمجرد اثارة الجدل رغم انه بيكون عارف ان الفئات الي فوق غالبا هتشتمه و هيتحاسب علي كدا هوه كدا مش بيكون سيف الاسلام هوه كدا بيكون غبي!

>الأنعام، الآية 108:
﴿وَلَا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ ۗ كَذَٰلِكَ زَيَّنَّا لِكُلِّ أُمَّةٍ عَمَلَهُمْ ۖ ثُمَّ إِلَىٰ رَبِّهِمْ مَرْجِعُهُمْ فَيُنَبِّئُهُمْ بِمَا كَانُوا يَعْمَلُونَ﴾

اظن النقطه دي واضحه

-----

**اخر نقطه وهي اخلاق المسلم في النقاش**


اخلاقنا هي دعايه حيه لدينا يا اخوي المسلم و اختي محدش هيقتنع بواحد داخل يشتمه او يقوله 

"يا قرد"  

انا للاسف فهمت الموضوع ده مع الوقت فـ مش عايز حد يقع في نفس غلطي و يراجع نفسه احترام المسلم و اخلاقه و حيائه من دينه

>ما من شيء أثقل في ميزان المؤمن يوم القيامة من حسن الخلق، وإن الله يبغض الفاحش البذيء
(رواه الترمذي وأبو داود، حسن صحيح)

>اتق الله حيثما كنت، واتبع السيئه الحسنة تمحها، وخالق الناس بخلق حسن
(رواه الترمذي، حسن صحيح)

------

كلنا نازلين لتحت صدقني و اسئل نفسك هل تقدر تواجه نفسك قدام ربنا انك بعدت واحد عن الدين كان باعتهولك عشان يفيده من خلاله ؟

>﴿ادْعُ إِلَىٰ سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ ۖ وَجَادِلْهُمْ بِالَّتِي هِيَ أَحْسَنُ﴾ (النحل: 125)

حتي القران لما قال في الدعوة لينا كمسلمين من رب العالمين قال لنا بالتي هي احسن بمعني تناقشهم بالاحسن من اخلاقهم تصبر عليهم تتحلي بـ اخلاق الانبياء و الصديقين

و السلام عليكم و رحمة الله و بركاته


ازاي عدم الاحترام بيحول افكارك من نقاش محترم لجدال و مسابقه إهانات