مبدئيًا كدا اللي هيقولي شنطة مامي أو عندك وسواس قهري نظافه هجري وراه دي اساسيات مفروض تكون مع كل شخص سواء بنت أو ولد .

الشنطه دي انقذتني كتير الحمدالله فتعالوا اقولكم فيها ايه : 

ـ مناديل جافه 

ـ مناديل مبللة 

ـ غطا تواليت ( مهم جدًا خاصه لو جلدكم حساس وبيعمل حبوب لو دخلتم حمام غير حمام البيت ) 

🛑ملحوظه طبيه من واقع تجربه الحبوب اللي بتظهر في الأرداف أو الوركين بسبب قعدة التواليت دي بتيجي من قلة نظافه قعدة تواليت ، أو من النضافه بردوا ايوا من النضافه دكتورة قالتلي كدا خاصه لو استعملوا في تنضيف كيماويات أو مطهرات قوية مع جلد حساس مهما اتغسل ت القعده بيكون فيه لسه بقايا ممكن تسبب أكزيما .

ـ مصلية.

ـ وكوباية ماية قابلة للطي .

ـ الشنطه الشفافه ( صابون ايد سائل ، نوعين من بادي سبلاش ، مرطب ايد ، معجون اسنان ، وفرشة لسان ) 

ـ لصق جروح .

وفيه حاجات زيادة زي اقراص مسكنه و غسول وصن بلوك بس كان ايام كليه وعدد ساعات كتير برا البيت .

بس وانتم في شنطتكم ايه ؟ 👀

What's in my bag?