شعور انه العالم مب حقيقي وكانه حلم

متأكده اني مب الوحيده الي احس بها الشعور بس ممكن الناس تنحرج إنها تعترف. بكل بساطه احس انه كيف الحين أنا حقيقيه، وكيف جي أنا أتحرك، احس انه الواقع مب حقيقي، يعني مادري كيف أضيع بأفكاري وما آخذ شي بجديه، احس انه الناس مب مهمين، وأساسا منو قال إنهم حقيقين؟ ليش مثلا ما يكون هاذا عالم كذبي، وأنه في أشخاص قاعدين يسون تجربه. بليز لحد يتضارب ويهجم أنا بس قاعده اشرح شعوري.

يعني أقول 60% من الوقت أنا احس جي و 30% أكون عادي.

ف يعني عندي أهداف طبيعيه واطلع واسير بس يوم تيني الحاله هي احسني اتنح وما اهتمّ لشي وعادي اخرب ع عمري واكنسل أشياء واسحب. من يوم كنت ياهل وانا إيني هالشعور

مره ياني هالشعور وانا بالسكن الجامعه وكان الفليل وكنت طالعه امشي وفجاءة خفت وحسيت انه في حد يراقبني وركضت ركض ل الغرفه وعقب جي فكرت بيني وبين نفسي الحين أنا من صدقي جي ركضت عشان أونه في حد يراقبني، صدق تفشلت من عمري ودعيت انه محد جاف ❤️ وبعد في مره وانا امشي جفت بنت وياني شعور (هاي البنت جنيه) وكنت حرفيا شوي وبصرخ بس instead جلبت ويهي وروحت والحمدالله اني ما صارخت لان وتف