احترام المواعيد

انا كشخص وقتي يعتبر محدود لابعد درجه بسبب اني شغال و بقرا و فنفس الوقت شغال في مشاريع، فلما اديك موعد نتقابل او اجتماع او اي شي فيو وقت بكون دقيق شديد في الحاجه دي و بكون على اقل حاضر قبل ١٠ دقايق من الموعد عشان لا اعطل نفسي او الطرف التاني، لكن بلاحظ اغلب الفي دائرتي بنسبه كبيره ما بيدو الموضوع دا اهتمام، يعني شنو اتفقنا على وقت اجيك بعد نص ساعه او ساعه او اطلع من بيتنا ياداب وقت مواعيدك. ولا بيعتذرو مثلا على اساس ماف شي حصل، فبقيت بشوفا بنظره اي زول ما احترم وقتك يعتبر ما احترمك. عارف ناس كتيره بتكون شايفاني مكبر الموضوع و بتاع، لكن من ملاحظتي حرفيا اي زول ناجح او اي شركه ناجه او مؤسسه بتلقاهم بيحترمو المواعيد بشكل مبالغ فيو.