لما كان عمري ٩ سنين بصف خامس حسب ما اتذكر كان عندي صديقه تتنمر علي أو بشكل أصح كان دمها ثقيل ومزحها ما ينبلع بس تنتقد، كنت افضفض لصديقه ثانيه مشتركة بيننا عن حركات المتنمره، وقالت اننا لازم نتصالح لكن فات الأوان لأني بذاك الوقت كنت بالفعل مقهوره، قلت لازم آخذ حقي من المتنمره، وفكرت بكيف آخذ حقي وقلت للصديقه المشتركه بيننا اني بعلم الي كانت تتنمر علي درس لن تنساه🙃، المهم المفروض هذا يكون سر بيننا بس الصديقه المشتركه علمت المتنمره وقلبت الطاولة علي ومسويه نفسها تبي تصالحنا، المهم دخلت بالغصب قروب كان فيه حنا الثلاثه عساس نرجع نسولف.. فجأه مع الوقت المتنمره هذي صارت تسألنا اسئله قذره وتعلمنا على مواقع وصخه، وانا شخصيًا جتني بالخاص تقول كلام ما ينقال ويعتبر تحرسً🫤، انا خفت على صديقاتي بالمدرسه لا تعلمهم ذي الاشياء وقلت لهم ينتبهون منها. بعد هذي السالفه كل شيء هادئ.. مر صف سادس.. كان بيمر أول متوسط بس بدأت الدراما بالفعل. اللي سووه المتنمره والصديقه المشتركه أنهم نشرو إشاعات عني وقالت المتنمره اني تحرسًت فيها، وخلت بنات صفها يكرهوني (كنا مقسمين إلى ٣ صفوف حسب ذاكرتي أ، ب، ج). ما اكتفت بالاشاعات حرفيا بنفس اليوم ودتني للوكيله وقالت لها اني نشرت إشاعه عنها! (هذا الجزء يقطع قلبي) انا كنت متوتره مره عشاني اول مره اروح للوكيله وفوق هذا كنت احسب المتوسط صعب وفيه مضاربات واذا رحت للوكيله ما اطلع الا وانا جايبه ولي امري فحرفيًا كنت ارجف وقلبي يدق بسرعه وكنت اعرق مع ان اجوائنا نادر يجينا حر شديد. زيادة انها جابت بنت تسحب مني كلام بتطبيق معين عشان بالنهايه ترسله لشله متنمرات ويطبعون كلامي ويهددوني فيه ويورونه الفصول الثانيه ويأشرون علي🫠. بعد هذي السالفه صار عندي Trust issues ما اثق باحد أبدًا يعني بأول متوسط كان عمري بس 11-12 سنه بس، ما أدري وش سويت عشان يصير لي كذا كنت بزر🥲.

وش المشكلة اللي عانيتوا منها بسبب موقف وإلى الآن تعانون؟