بعدين مع الوحدة

قرأت كثير بوستات هان عن ناس بتشعر بالوحدة بشكل مفرط وللاسف ما شفت شخص قدر يقدم حل فعال لهاي المشكلة، همة بس بطرحوها وبشكوا عن معاناتهم

انا شخصيًا كثير متعذب من الموضوع والقصة شاغلة بالي اغلب الوقت، كل ما اختلي مع نفسي بتذكر قديش انا جد انسان وحيد

عندي اصحاب واقارب بشوفهم من فترة لفترة، واهلي بدعموني معنويا ونفسيا، بس مع هيك بظل احس بالوحدة

بظل احس انه مافي حدا قريب مني وبفهمني، مافي شخص يعطيني الاهتمام اللي بحتاجه بشكل يومي، مافي شخص ابعثله بأي وقت ويكون فاضي ونقعد نحكي بأي سلافة ونفضفض بالساعات مع اني انا متاح لكل اللي بعرفهم بأغلب الاوقات وعمري ما قصرت مع حدا

بروح من شغلي تعبان بعد شفت طويل، او بحقق انجاز معين او بخوض تجربة جديدة وما بلاقي حدا احكيله عن يومي او اسمع منه كيف كان يومه

مكتئب ومش عارف ازبط بشغلي و بجامعتي وانا بالي مشغول بهاي الافكار، ماذا افعل؟