تعبت من الفقر

انا بنت اتولدت فعيله فقيره من اول موعيت ونا بقيت اشيل هم كل قرش مكنتش باخد دروس عشان اوفر علي اهلي ودخلت ادبي عشان اهلي معهمش فلوس لو دخلت كليه علميه وبعدين دخلت كليه مش محتاجه حضور عشان اعرف اشتغل متخرجه بقالي 3 سنين مش لاقيه شغلانه بمرتب عدل وكل شغل البنات مرتباته تعبانه فاشتغلت فكذا حاجه يدوبك بتجيبلي مصاريفي الاساسيه تعبت من الشغل وتعبت من اني شايله هم كل قرش واني مش عارفه اعيش مش عايزه حياه مرفهه عايزه حياه كريمه تخليني لما اتعب مشيلش هم الكشف والعلاج وتخليني اقدر اكشف فمكان كويس بدل العيادات الخيرية دي واقدر اجيب ادويتي بانتظام ..المهم دلوقتي انا علي وش جواز ومش عايزه اجوز حد فقير واكمل مسيره الفقر دي بس اكتشفت انك لما تتولد فعيله فقيره مش هيجيلك غير اللي كدا اصل كل واحد بيدور علي مستوي مادي واجتماعي مكافئ ليه ..بيجيلي عرسان يقولولي نعيش اليوم بيومه ونمشي علي القد والكلام دا ومفيش اي امان مادي مستقبلي لعيالي طب انا امتي هرتاح من هم الفلوس وهم المعيشه ونا ايه ذنبي اني اتولدت فعيله كدا وحتي لو انا مستوايا المادي بقي اعلي فبرضو فالاخر عيلتي وضعها مش هيعلي والراجل بيدور علي العيله برضو بيتنا مش احسن حاجه ولبسنا مش احسن حاجه مره جالي واحد مواصفاته كويسه وكل اللي نفسي فيه لما قابل ابوياوعرف شغله قال كل شيء قسمه ونصيب بعدها بكام يوم من قبل ميقعد معايا حتي هو كدا خلاص مفيش امل ليا واتقبل الامر الواقع واتجوز اللي زي عشان نجيب عيال تكمل فعيشه الفقر دي بجد زعلانه اوي انا كان نفسي ربنا يعوضني فحياتي الجديده وكان عندي امل بس كل مدي بدرك ان دا صعب معرفش منزله دا ليه بس حبيت احكي حاجه عمري مقدر احكيها ف اي حته واشيل شويه من علي قلبي