Realistically speaking, how can one get a job these days?

السلام عليكم

نهدرو فالواقع خوتي، درك انا انسانة نقرا فالجامعة و راكم علابالكم دراهم لابورس ما يكفوش و مرة يدخلو و عشرة لا.

مارانيش من عائلة غنية باش نتكل عليهم، و اصلا راني كبيرة داخلة العشرينات ما نقدرش نقعد نقارع لوالديا يمدولي شوية صرف

عايشة في ولاية ماشي كبيرة ولا معروفة يعني الشركات و المكاتب قلال و ماكانش كيفاش تخدم بلا الخبرة

الخدمة فالحوانيت لي نهدر معاه نسقسيه يقول لي اسكو عندك لاطاي، اذا انتي شابة...... و غيرها من الاسئلة المكبوتة ( شحال من خطرة نهدر مع صحاب الحوانيت ولا كي يعرفني طفلة يقلب قاع الموضوع يبدا يطلق فالكبت تاعه)

freelance مانعرفلهش بزاف و علابالي كاين يزاف افاق ليه مي ما علاباليش كيفاش نبدأ، راكم علابالكم الي تحوس عليه يفهمك يقول لك ارواح ادفع و ادخل دورات و منا

علابالي بلي اي واحد يقرا يقول راكي تديري فالاعذار، مي الحقيقة تقال: الابواب مغلقة و الفرص ماكانش، و الشباب ماهمش لاقيين. السؤال المطروح هو كيفاش نقدر انني نلقى انا او اي شخص في نفس حالتي عمل في هاذ الوقت وين نقدر على الاقل نضمن مصروف تاع الاساسيات ؟