Relationship

كنت محتاجة رأيكم في حاجه…..

في واحد احنا كنا نعرف بعض ك معرفه من سنتين تقريبا وبدأنا كلام من فتره مش بعيدة ولا قريبة وقربنا جامد يعني عرفنا عن بعض كل حاجه وبنتكلم كتير وانا الحد ده فعلا حبيته وأول مره احب حد كده لدرجه ان حاجات كتير فيا بتتغير لوحدها مع الشخص ده وببقي مستغربه نفسي يعني أنا مع الكل حاجه ومعاه حاجه تانية المهم ان في مشاعر من ناحيتي وانا حاسه او كل حاجه بتقول ان في مشاعر من ناحيته هو كمان بس هو شخصيته صعبه شويه وزعله أصعب وبيزعل من اقل حاجه وبقعد أحايل وأصالح رغم اني مش بعمل كده مع حد وبقعد فتره ابرر واقول كلام كتير في مقابل اني مش بلاقي تقدير ل كلامي ده وبيرد ع اللي عايزه بس والباقي اكني مش بتكلم بحس اني بحرق بنزين ع الفاضي!! وبلاقي معامله وحشه والفكرة بيبقا قبلها بالظبط كويسين اوي مع بعض فجاه كل حاجه تتقلب وبجد لأسباب عبيطة ف أنا بقيت حاسه ان بحاول علي الفاضي وطاقتي بتخلص وببذل مجهود جامد في حاجه مش مفهومة يعني أنا لحد دلوقت معرفش احنا ايه بالظبط يعني احنا ولا صحاب ولا مرتبطين بس تعاملنا اكننا مع بعض الفكرة هنا اني عايزه ابعد عشان بقيت حاسه ان لا أنا مفروض يتحاول عشاني مش أنا الي احاول وعشان فعلا تعبت واحنا لسه في البداية يعتبر😅بس مش عارفه ابعد عشان حبيته اعمل ايه؟