انا كتير تعبت

صباح الخير.. نزلت هون من قبل عن حالتي النفسية والعقلية والمشاكل الي عندي من لما كنت طفل. انا حاولت كم يوم، بس ما قدرت، كنت خايف من النهاية، من الفرص الضائعة، فكرت بالموضوع اكثر من اي مرة، اغلب محاولاتي تنتهي بسبب الصعوبة الجسدية، بس هي كانت مختلفة، وهي كانت اكتر وحدة حقيقية، وحدة جهزلتها فعلا، ودعت اهلي، كتبتلهم رسائل يلاقوها بعد ما اموت، عملت الاشياء المطلوبة مني عشان ما يكون في حدا متضايق مني. وخلص. بس ما قدرت، وبعدين ضليت مصر، كنت رح اكمل محاولة باليوم الي بعد، لاني اصلا ما قدرت انام منيح. بس للاسف انه في حدا قريب مني عرف عن الموضوع وخرب خططي.

عموما، هاد مو السبب الي نزلت البوست عشانه.. انا توجيهي، ووضعي الدراسي كثير سيء، عندي تراكمات ومش قادر اقعد ادرس، وبصراحة ما عندي دافع لانه انا فعلا ما عندي اسباب اعيش عشانها، ناهيك اسباب ادرس عشانها، ما عندي طموح، ما عندي اشي، انسان فاضي من جوا، من برا الناس بشوفوني مميز وموهوب وشاطر باي اشي بعمله، بس انا كثير فاضي من جوا. وما بعرف شو احكي عن الموضوع صدقا..

يا جماعة انا جد تعبت، انا عندي هي الافكار من لما كان عمري 6 او 7 سنين وأول محاولاتي كانت وانا عمري 7 اساسا، وانا كثير تعبت، ما عندي اشي اعيش مشانه، وآخر فترة كل الي عم اعمله اني عم اساعد ناس بمروا باشياء انا مريت فيها او ما مريت بس بعرف منيح عنها، واساعدهم فعلا، واحكي حكي المفروض انا اسمعه، مش عارف شو بعمل، منافق، بنصح الناس وبساعدهم وانا بستنى اي فرصة لأنهي حياتي...

بعرف انه البوست معجوق وغريب وصياغته سيئة، انا اسف وضعي سيء.