تدريب صيفي في ال cybersecurity

انا حاليا سنة تانية نظم و معلومات و مخلص راوند 3 من رواد مصر تراك Microsoft data engineer الصيف اللي فات و بعدها استكشفت شوية في الcybersecurity و الموضوع شدني و دلوقتي انا ماشي في شهادة ال cybersecurity for beginners علي موقع مهارة تك و هكون خلصتها في خلال اسبوع انشاء الله

بعدها ناوي اكمل في penetration testing سواء من علي مهارة تك او portswigger web security academy

دلوقتي انا بدور علي تدريب انزل في الشركة و اتعلم علشان اهلي فاكرينها صنعة و مصممين اني كان لازم انزل و اشتغل في المجال من صيف سنة اولي الي اصلا وقتها كانت معرفتي كلها فيديو بايثون 12 ساعة و موضوع انك تاخد تدريب من البيت زي رواد مصر دا ضياع وقت

دورت كتير علي linkedin و كل التدريبات شروطها تكون سنة رابعة او متخرج

التدريب الوحيد اللي لقيته مش محدد سنة معينة كان network engineer و قدمت برضو بس مفيش رد

هبقي متشكر جدا لو حد وجهني الاقي تدريب فين او اي نصيحة تساعدني

انا الحمد لله بفهم بسرعة بس مشكلتي ان اللي حواليا مش مديني فرصة أركز في حاجة و شايفين اني مضيع وقتي علشان منزلتش اشوفلي صنعة, ف انا شايف ان التدريب اللي هنزله هيديني فرصة اركز في اجازة الصيف علي حاجة مفيدة