الريدبول

انا عندي ١٨ سنه و من اسبوع وانا في المدرسه شربت ريدبول و مكنتش واكله كويس و كنت مطبقه من امبارح و اول مره اشربو اصلا يعني آخر مره شربتو كانت من سنه باين المهم ف بعدها ب ساعه لقيت ضربات قلبي سريعه جدا و قلبي واجعني روحت للصيدلية اللي جنب بيتي و قيست ضربات القلب و الضغط ضربات القلب كانت عاليه اوي مش فاكره كانت كام و الضغط واطي ف الصيدلي قالي اشرب كركديه من غير سكر و انام ف بالفعل عملت كده يوميها و صحيت النغزات راحت اللحمد الله بس ضربات قلبي كانت ستيل سريعه بس مش زي الصبح ف فضلت كل يوم اقيس ضربات قلبي صبح و بليل و كده كنت شويه ١١٢ و شويه ابقي ١٠٥ و الضغط يا واطي يا مظبوط فضلت كده بتاع ٣ ايام و الصيدلي قالي ان المفروض تأثير الريدبول راح بس اعمل تحليل cbc عشان يمكن انيميا و تسرع ضربات قلبي ف عملت التحليل و روحت امبارح للصيدلي عشان يشوف التحليل لاقي اني معنديش انيميا و التحليل كويس جدا و كلو في النورمال ف قاس امبارح ضربات قلبي لقاها ٩٩ و الضغط كان مظبوط ف قالي مفيش داعي نقلق و نروح لدكتور انتي بتتحسني.

ملحوظه عدي ٦ ايام لما شربت الريدبول و انا في ال ٦ ايام دول ضربات قلبي سريعه بس و الضغط ساعات واطي و ساعات مظبوط و منعت اي كافيين وانا مش من النوع مدمنه كافيين يعني و انا عندي ضيق تنفس و هبوط حاليا و حاسه مش عارفه اخد نفسي كفايه و اقل مجهود حتي لو هتمشي بلاقي ضربات قلبي بتتسارع طب انا المفروض اعمل ايه وأنا اصلا قبل أي حاجه بقالي شهرين لما بزعل او اتوتر قلبي يحصلو نغزات بسبب نفسيه و كده.

المفروض أعمل إيه دلوقتي انا حاسه في توتر محبوس جوا جسمي و عمال يطلع علي ضربات قلب سريعه و كل م اخذ نفسي عضلات صدري توجعني بس نغزات قلبي راحت من ساعه م شربت الريدبول

هل بقي اروح لدكتور باطنه ولا دكتور قلب ولا اللي انا فيه ده نفسيه ولا من الريدبول ولا ده تأثيرو و هيروح و هل ممكن يحصلي حاجه كبيره ولا ايه ياريت لو حد دكتور/ه او صيدلي او في كليه طب يفيدني عشان انا تعبت اوي من الشعور ده