هاري بوتر مستحيل يعرف منو جي كي رولنغ !

#طبعا :جي كي رولنگ هي مولفة عالم او سلسلة هاري بوتر للي ميعرفها ..

#كذلك هو الحال لشخصية راسكولينكوف من رواية الجريمة والعقاب انو يعرف مؤلف القصة مالته هو دستوفيسكي نفس الشي لشخصيات مثل (جون سنو او ايمون تاريغريان او بول اتريدوس او فرودو ..كاتنيس ايفردين .. فرانكشتاين شيرلوك هولمز روميو وجولييت الخ) مستحيل يدركون كشخصيات داخل الكتاب انو مؤلف شخصياتهم او العالم الي هم بي ، جاي يصنع مصيرهم المحتوم من قِبل كاتب هو نفسه جورج مارتن حتى لو بحثوا بكل ارجاء عالمهم المكتوب من نفس الكاتب ، مراح يلكون اي اثر لاسمه ولا رح يعرفون شخصيته على الاطلاق مهما سعوا لذلك ، وهكذا دواليك لكل الشخصيات الي نقراها بالكتب او الروايات او حتى القصص المصورة من المستحيل بطل هذه الرواية او شخصية ثانية يجي ادراك انو اسم مؤلف القصة او العالم الي هو يعيش لو مهما بحث عنه هيظل بالنسبة له مبهم وعامض .

#نفس الشي ينطبق علينا احنا البشر بهاي الحياة مستحيل ندرك منو مؤلف هذه الحياة اذا كان هناك مؤلف طبعا وافترضنا انه موجود فهذا المؤلف مراح نلگه اي اثر يدل على اسمه او غايته الي خلانا ننوجد عليها من الاساس بالتالي احنا شخصيات في كتاب او قصة هذا الصانع المبهم والمجهول الذي اطلق البشر عليه ملايين الالقاب لكن استحالة ان يدركو او يعرفوا اسمه الحقيقي او لماذا يصنع بمصائرنا هذه المعاناة المستمرة دون توضيح.

#باعتقادي وتقديري لو كان فعلا هناك مؤلف لهذه الحياة او كاتب لها ف مستحيل نكدر نعرف منو هو ولا رح ينطينا اي تلميح اله ولا رح نفهم شخصيته او ماهيته لان بكل بساطة احنا شخصيات في كتاب لن نعرف مؤلفه مهما بحثنا عنه.